अवघडच आहे! महिला जेलर पडली कैद्याच्या प्रेमात; आता तिचीही झाली तुरुंगात रवानगी

जर एखादी महिला जेलरचं कैद्याच्या प्रेमात पडली तर काय होईल? इतकचं नाही तर बदल्यात कैद्याला VVIP सुविधादेखील दिली. या पलीकडे जाऊन ब्रिटेनमधील एका महिला जेलरने कैद्याच्या नंबरचा टॅटू काढला आहे.(फोटो : ben lack)

या गोष्टीचा खुलासा झाल्यानंतर महिला जेलरचा निलंबित करण्यात आलं आणि तिला तुरुंगवासाची शिक्षाही सुनावण्यात आली. या महिला जेलरचं नाव स्कारलेट एल्डरिच आहे. या महिलेचं एका कैद्यासोबत प्रेम प्रकरण होतं. याच्या बदल्यात महिलेने कैद्यासाठी तुरुंगातच मोबाइल आणि सीम कार्डाची व्यवस्था केली होती.

डेली मर्करीच्या या बातमीनुसार स्कारलेटच्या या कृत्याचा खुलासा झाल्यानंतर मोठा गोंधळ उडाला. तिची वैद्यकीय तपासणी झाल्यानंतर हा प्रताप समोर आला. तिच्या पायावर एक रहस्यमयी टॅटू पाहायला मिळालं. यावर कैद्याचा नंबर लिहिला होता.

यानंतर तपासादरम्यान सर्व बाब समोर आली. स्कारलेट एल्डरिचचे वडीलदेखील पोलीस अधिकारी आहेत. सांगितलं जात आहे की, स्कारलेट जेव्हा जेलर नव्हती, तेव्हापासून तिचं या कैद्यासोबत प्रेम संबंध होते. ती कायम त्या कैद्याची मदत करीत असे.

तपासणी दरम्यान मिळालेल्या माहितीनुसार ती कैद्याला प्रेम पत्रदेखील लिहित होती. ब्रिटेनच्या न्यायाधीशांनी स्कारलेटला या गुन्ह्यासाठी 10 महिन्यांचा तुरुंगवास सुनावला आहे. न्यायाधीशांनी सांगितलं की, तिच्या या कृत्यामुळे कैद्याला फायदा झाला आहे आणि तुरुंगाच्या सुरक्षेला धोका निर्माण झाला आहे. त्यानंतर अन्य कैद्यांनी सांगितलं की, त्या कैदीबाबत स्कारलेट नेहमी चिंतेत होती आणि नेहमी त्याच्याशी बोलताना दिसत असे.