मुंबई विमानतळावर 18 कोटींचे ड्रग्ज जप्त, दोन विदेशी महिलांना अटक

देशाची आर्थिक राजधानी असलेल्या मुंबईमधून मोठी बातमी समोर आली आहे. मुंबई विमानतळावरून कोकन ड्रग्जचा मोठा साठा जप्त करण्यात आला आहे.

डीआरआयच्या वतीने ही कारवाई करण्यात आली आहे. डिआरआयने मुंबई विमानतळावर मोठा ड्रग्जचा साठा जप्त केला आहे.

जप्त करण्यात आलेल्या कोकन ड्रग्जची किंमत तब्बल 18 कोटी रुपये असल्याची माहिती समोर आली आहे.

डीआरआयने दोन विदेशी महिलांकडून हे 18 कोटी रुपयांचे ड्रग्ज जप्त केलं आहे. या प्रकरणात त्यांना अटक करण्यात आली आहे.

या महिला आदिस अबाबाहून मुंबई विमानतळावर दाखल झाल्या होत्या. त्यांच्याकडे कोकेनचा मोठा साठा होता.

महिलेने हे कोकेन लपवण्यासाठी अनोखी शक्कल लढवली होती. त्यांनी त्यांच्याजवळ असलेल्या पर्समध्ये आतून पोकळी निर्माण केली होती. या पोकळीमध्ये त्यांनी कोकेन लपवले होते.

डीआरआयने अखेर या महिलांना अटक केली असून, त्यांची झडती घेतली असता त्यांच्याकडे कोकेनचा मोठा साठा आढळून आला आहे.