बारबालांच्या डान्ससाठी कोरोनाचे नियम पायदळी; गावकऱ्यांसमोर रात्रभर सुरू होता अश्लील प्रकार

पिंजऱ्यात कैद बारबाला आणि लोकल गाण्यांवर अश्लील नृत्य. ही घटना उत्तर प्रदेशातून आजमगढमध्ये पाहायला मिळाली. येथे कोरोनाच्या काळात मास्कशिवाय आणि सोशल डिस्टन्सिंगचे नियम पायदळी तुडवड मोठी गर्दी करण्यात आली होती.

आजमगढ जिल्ह्यातील सिधारी ठाणे हद्दीत एका कार्यक्रमादरम्यान पिंजऱ्यात कैद बारबालांचा अश्लील डान्स सुरू होता. आतापर्यंत असे दृश्य चित्रपट वा क्लबमध्ये पाहिलं जातं होतं.

रात्री उशिरापर्यंत मोठ्या आवाजात डीजेच्या तालात बारबालांचा डान्स सुरू होता. इतकच नाही तर एकीकडे बारबाला डान्स करीत होत्या तर दुसरीकडे लोक नोटा उडवून डान्स आणि इशारे करीत होते.

रात्री उशिरापर्यंत सुरू असलेल्या या अश्लील डान्सदरम्यान सोशल डिस्टन्सिंगचा नियम पायदळी तुडविण्यात आला. डान्स पाहण्यासाठी येथे मोठी गर्दी जमा झाली होती. आजतकने यासंदर्भातील वृत्त प्रसिद्ध केलं आहे.

सर्वोच्च न्यायालयाच्या आदेशानुसार रात्री 10 वाजल्यानंतर डीजे आणि मोठ्याने आवाज करणे, लाऊडस्पीकरवर बंदी घालण्यात आली आहे. मात्र या नियमांचं उल्लंघन केलं जात आहे.