'मी मूल देऊ शकत नाही', तरीही तरुणाने तृतीयपंथीसोबत लग्न केलं पण आता म्हणतो...

बिहारमधील मुजफ्फरपूरमध्ये एक विचित्र प्रकरण समोर आले आहे. एका तरूणाचे तृतीयपंथी तरूणीसोबत प्रेम होते. मुझफ्फरपूरमध्ये राहणारी नंदनी ही एका स्टेज शोमध्ये काम करते. यादरम्यान तिच्यासोबत काम करणारा एक तरुण तिच्यावर प्रेम करू लागतो. यानंत ते लग्नाचा विचार करत त्यांनी लग्नही केले. परंतु 6 महिन्यानंतर तो मुलगा तिच्यासोबत वाईट पद्धतीने वागत असल्याची माहिती समोर आली आहे.

मुझफ्फरपूरमधील बोचाहान येथे राहणाऱ्या सुंदरम नावाच्या मुलाने मेडिकल कॉलेजजवळ राहणाऱ्या नंदनी या तृतीयपंथीसोबत लग्न केले. त्यानंतर दोघेही पती-पत्नीसारखे एकत्र राहू लागले. 6 महिन्यांनंतर त्यांच्यात वाद झाल्याने तिला बेदम मारहाण करून घराबाहेर हाकलून दिले.

दरम्यान तील त्या तरूणाने बाहेर काढल्याने तिच्यावर भीक मागण्याची वेळ आली आहे. दरम्यान ती महिला रुग्णालयात जाऊन तिने उपचार करून घेतले. यानंतर ती बोचाहन पोलीस ठाण्यात मुलाविरुद्ध तक्रार दाखल केली आहे.

पीडित नंदनीने पोलिसांना याबाबत माहिती दिली की, आम्ही एका ठिकाणी काम करत होतो. यावेळी तो मुलगा माझ्या प्रेमात पडला यानंतर आम्ही एकमेकांना ओळखू लागलो. यानंतर काही दिवसांत मुलाने लग्नाचा हट्ट धरला. म्हणून आम्ही मंदिरात जाऊन लग्न केले. दोघेही रामपूर जयपाल गावात मुलाच्या आई-वडिलांसोबत राहू लागले.

आठवडाभरापूर्वी अचानक त्याने तिला बेदम मारहाण करून घरातून हाकलून वालले, आता त्याला दुसऱ्या मुलीशी लग्न करायचे आहे. ही बाब समोर आल्यानंतर याबाबत गावात जोरदार चर्चा सुरू आहे. पोलिसांत तक्रार दिल्यानंतर पोलिसांनी तपासाची सुत्रे हाती घेतली आहेत.