'मी नालायक आहे, घरी जाणार नाही', सांगलीच्या पोलिसांची चांगली आयडिया!

कोरोना व्हायरसचा प्रादुर्भाव रोखण्यासाठी राज्यात संचारबंदी लागू झाली आहे. पण तरी देखील काही महाभागांना परिस्थितीच गांभीर्य लक्षात येत नसल्याने पोलिसांना बळाचा वापर करावा लागत आहे. तर सांगलीच्या पोलिसांची चांगलीच आयडिया लढवून या महाभागांना चांगलाच धडा शिकवला आहे.

घराबाहेर पडू नका, असं आवाहन करुनही घराबाहेर पडणाऱ्या महाभागसमोर सांगली पोलिसांनी हात टेकले आहे.

सोमवारी रात्री कुपवाड आणि जत भागात रस्त्यावर फिरणाऱ्याच्या हातात पोलिसांनी "मैं समाज का दुश्मन हूं, मैं घर पर नहीं रहूंगा" या वाक्याचे चक्क पोस्टर हाती दिले.

पोलिसांच्या या हटके प्रकारामुळे नागरिकांना कमीपणा वाटू लागला. आपला फोटो सगळीकडे पाठवला जाईल या भीतने जी लोकं सापडली त्यांनी बाहेर न पडण्याची हमी दिली.

तर काही जणांच्या हातात 'मी नालायक आहे, घरी जाणार नाही' असे पोस्टर्स दिले होते. राज्यात कोरोनाचा वाढता प्रादुर्भाव लक्षात घेता सरकारने संचारबंदी लागू केली आहे. त्यामुळे कोरोना व्हायरसपासून दूर राहावे यासाठी लोकांनी घरीच राहावे, असं आवाहनही सांगली पोलिसांनी केलं आहे.