वुहानच्या त्या लॅबमध्ये गेली WHO ची टीम; कोरोनाबाबत केला धक्कादायक खुलासा

कोरोनाव्हायरस (Coronavirus) नेमका आला कुठून, तो कुठून आणि कसा पसरला याचा शोध घ्यायला जागतिक आरोग्य संघटनेची टीममध्ये चीनमध्ये (China) आहे. अनेक ठिकाणी या टीमनं शोध सुरू केला आहे. डब्ल्यूएचओ या टीममध्ये 10 देशांचे तज्ज्ञ सहभागी आहेत. 

या तज्ज्ञांनी ज्या रिसर्च लॅबमधून आणि बाजारातून कोरोना पसरल्याचं सांगितलं जातं आहे, तिथं आणि रुग्णालयांचा दौरा केला. वुहान इन्स्टिट्यूट ऑफ व्हायरोलॉजी हे मुख्य ठिकाण आहे.

वुहानमध्ये (Wuhan) पोहोचलेल्या या टीमनं चीनमध्ये चांगलं सहकार्य मिळतं आहे, पण तात्काळ परिणाम मिळण्याची अपेक्षा नाही, असं म्हटलं आहे. नवभारतच्या टाइम्सच्या वृत्तानुसार WHO च्या टीमच्या मते, आतापर्यंत जे आकडे मिळाले आहे ते कुणीच पाहिले नसतील. तसंच या टीमनं कोरोनाचा उद्रेक लॅबमधूनच झाला असावा ही शक्यताही नाकारली नाही.

प्राणीशास्त्रज्ञ आणि टीमममधील सदस्य पीटर डेसजेक यांनी बुधवारी सांगितलं, वुहान विषाणू विज्ञान संस्थेचे उपसंचालक शी जेंगली यांच्यासह काही प्रमुख कर्मचाऱ्यांची आम्ही भेट घेतली आणि चर्चा केली.  2003 साली पसरलेल्या सार्सच्या उत्पत्तीची माहिती मिळवण्यासाठी जेंगली यंनी डेसजेकसोबत काम केलं आहे. 

जपानच्या टीबीएसमार्फत जारी करण्यात आलेल्या व्हिडीओनुसार डेसजेक म्हणाले, आम्ही इथं सर्व प्रमुख लोकांना भेटण्याचा आणि त्यांना काही महत्त्वाचे प्रश्न विचारत आहोत. 

उच्च सुरक्षा असलेल्या केंद्रातही टीमच्या सदस्यांसह रिपोर्टही गेले. पण टीमच्या सदस्यांना थेट संपर्क कमी होता. शिवाय त्यांना खूप मर्यादित माहिती देण्यात आली. तसंच केंद्राच्या प्रवेशद्वारावर वर्दीत आणि साध्या वेशातही सुरक्षा अधिकारी होते. पण टीमच्या कोणत्याही सदस्यांनी पीपीई किट घातलं नव्हतं.