कडुनिंबाच्या पानांपासून कोरोनाचा संसर्ग रोखता येईल? देशात होणार मानवी चाचणी

अत्यंत गुणकाही असं कडुनिंब बहुगुणी आहे रोगप्रतिकारक शक्ती वाढवण्याचं उत्तम औषध आहे असं म्हणतात बऱ्याचदा दोन ते चार कडुनिंबाची कोवळी पानंही काही डॉक्टर सकाळी खाण्याचा सल्ला देतात.

डॉक्टरांची विशेष टीम याच कडुलिंबाच्या पानांचा वापर करून कोरोनावर यशस्वी मात देता येईल का? याबाबत अभ्यास करत आहेत. ऑल इंडिया इंस्टीट्यूट ऑफ आयुर्वेद संस्थेनं यासंदर्भात एक घोषणा केली आहे.

कोरोनाशी लढण्यासाठी कडुनिंबाचा कसा आणि किती वापर केला जाऊ शकतो यासंदर्भात AIIA संस्थेनं निसर्ग हर्ब्स कंपनीसोबत हातमिळवणी केली असून यावर संशोधन सुरू आहे.

हरियाणातील फरिदाबाद इथल्या ESIC रुग्णालयातील 250 लोकांवर यासंदर्भात मानवी चाचणी 6 डॉक्टरांची टीम करणार आहे. कडुनिंबाच्या पानांच रस, चूर्ण किंवा कडुनिंबाचा गुणधर्म कोरोनाचं संक्रमण रोखू शकतो का? हे पाहण्याचा यामागे हेतू असल्याची माहिती मिळाली आहे.

125 लोकांचे दोन गट केले जाणार आहेत. पहिल्या गटाला निसर्ग गोळी दिली जाईल तर दुसऱ्या गटाला कडुनिंबापासून तयार करण्यात आलेली गोळी देण्यात येईल. या दोन्ही गटांचं 28 दिवस निरीक्षण करण्यात येणार आहे.

कोरोनाचा संसर्ग होऊ नये किंवा झाल्यानंतरही अनेक घरगुती आणि आयुर्वेदिक उपचार आपण करतो. जसं की हळदीचं पाणी, गुळण्या इत्यादी आता कडुनिंबापासून कोरोनाचा संसर्ग रोखला जाणार का हे पाहाणं औत्सुक्याचं ठरणार आहे. त्यासाठी 28 दिवस ही चाचणी पूर्ण होईपर्यंत वाट पाहावी लागणार आहे.