Lokdown लागू केला पण त्याचा काही परिणाम झाला का? पाहा कोरोनाच्या सद्यस्थितीचा हा रिपोर्ट

देशात कोरोनाच्या दुसऱ्या लाटेने थैमान घातलं आहे. देशातील कोरोना प्रकरणं पुन्हा वाढू लागली आणि बहुतेक कोरोनाची प्रकरणं अचानक वाढल्यामुळे बहुतेक राज्यांनी लॉकडाऊन लागू केला.

महाराष्ट्रात 5 मार्चपासूनच लॉकडाऊनसारखे कडक निर्बंध लागू करण्यात आले. त्यावेळी राज्यात 4 लाख 51 हजार 375 अॅक्टिव्ह केसेस होते. भारताच्या एकूण अॅक्टिव्ह प्रकरणांपैकी  60.85 टक्के एकट्या महाराष्ट्रात होती.

ज्या महाराष्ट्रात देशातील निम्म्या प्रकरणांपेक्षाही जास्त अॅक्टिव्ह केसेस होते, तिथं लॉकडाऊननंतर आता फक्त 16.50 टक्के केसेस आहेत.

उत्तर प्रदेश, कर्नाटक, हरयाणा, तामिळनाडू, ओडिशा, राजस्थान, बिहार, छत्तीसगढ, झारखंड, मध्य प्रदेश, जम्मू-कश्मीर आणि गोव्यातही लॉकडाऊनसारखे कडक निर्बंध लागू आहेत.

पश्चिम बंगाल, पंजाब, गुजरात, तेलंगणा, आंध्र प्रदेश आणि आसाममध्ये सार्वजनिक कार्यक्रमांवर बंदी आहे, नाइट कर्फ्यू आणि दिवसा अंशतः लॉकडाऊन लागू करण्यात आला आहे.

राज्यांमध्ये उचललेल्या या कठोर निर्णयामुळे देशाचं कोरोनाचं चित्र पूर्णपणे बदललं आहे. देशात दररोज 4 लाखांपेक्षा जास्त नवे कोरोना रुग्ण मिळत होते. पण बुधवारी 3 लाख  48 हजार 421 नव्या रुग्णांची नोंद झाली आहे.

19 ते 25 एप्रिल या आठवड्यात अॅक्टिव्ह केसेसची दरवाढ  15 टक्क्यांनी कमी झाली आहे. 26 एप्रिल ते 2 मे हा दर 21.32 टक्के होता जो गेल्या आठवड्यात 9.71 टक्क्यांवर आला आहे.

दर आठवड्याला दैनंदिन सरासरी रुग्णसंख्येचा आकडा सांगतो की लॉकडाऊनमुळे प्रकरणांवर नियंत्रण मिळवण्यात मोठी मदत झाली आहे.

1 मार्चला दैनंदिन रुग्णवाढ 1.68  टक्के होती. ती  5 ते 11 एप्रिलला वाढून  7.13 टक्क्यांवर पोहोचली पण गेल्या आठवड्यापासून हा आकडा पुन्हा घसरू लागला आहे.

गेले काही दिवस भारतात कोरोनाची झपाट्याने वाढणारी रुग्णसंख्या आता कमी झाली आहे. त्यामुळे देशासाठी हा मोठा दिलासा आहे.

हा सर्व लॉकडाऊनचाच परिणाम आहे. तज्ज्ञांनीदेखील भारतात लॉकडाऊनच कोरोनाच्या वेगाला रोखण्याचा प्रभावी मार्ग आहे, असं सांगितलं आहे.