महाराष्ट्रातील फक्त एक जिल्हा; राज्यासह केंद्रालाही देतोय कोरोनाचा 'ताप'

महाराष्ट्र कोरोनाच्या विळख्यातून हळूहळू मुक्त होतो आहे. गेले काही दिवस राज्यातील कोरोनाची दिलासादायक अशी आकडेवारी समोर येते आहे. गेल्या अनेक दिवसांपासून कोरोना रुग्णवाढीला ब्रेक लागल्याचं पाहायला मिळत आहे.

12 एप्रिलला राज्यात कोरोनाबाधितांपेक्षा कोरोनामुक्त रुग्णांची संख्या जास्त होती. एका दिवसात 46,781 नवीन रुग्णांचे निदान झालं तर 58,805 रुग्णांनी कोरोनावर मात केली.

राज्यात आतापर्यंत एकूण 46,00,196 रुग्ण कोरोनामुक्त झाले आहेत. यामुळे राज्यातील रुग्ण बरे होण्याचे प्रमाण 88.01 टक्के इतकं झालं आहे. राज्यात सध्यस्थितीत एकूण 5,46,129 सक्रिय रुग्ण आहे.

फक्त राज्याच्या आरोग्य विभागाचीच नव्हे तर केंद्रीय आरोग्य मंत्रालयाची आकडेवारीही महाराष्ट्रातील दिलासादायक परिस्थिती दाखवते. केंद्र सरकारने गेल्या दोन आठवड्यांतील देशाचा कोरोना रिपोर्ट जारी केला आहे.

केंद्र सरकारच्या आकडेवारीनुसार महाराष्ट्राचा पॉझिटिव्ही रेट हा 21.5 टक्के आहे. पण 15 टक्क्यांपेक्षा जास्त पॉझिटिव्हीटी रेट असलेल्या 24 जिल्ह्यांमध्ये महाराष्ट्र अठराव्या स्थानी आहे.

दैनंदिन रुग्ण संख्या कमी होणाऱ्या पहिल्या 18 राज्यांमध्येही महाराष्ट्राचा समावेश आहे. गेले काही दिवस राज्यातील नव्या रुग्णांची संख्या कमी होताना दिसते आहे.

ज्या नागपूर, नाशिक आणि ठाण्यात कोरोनाची प्रकरणं झपाट्याने वाढत होती. तिथं गेली दोन आठवडे प्रकरणं कमी होत असल्याचं दिसतं आहे.

आता मात्र राज्यातील एका जिल्ह्याने राज्यासह केंद्राचंही टेन्शन वाढवलं आहे आणि तो जिल्हा म्हणजे अहमदनगर. जिथं गेल्या दोन आठवड्यांपासून कोरोना रुग्णांचा आकडा वाढताना दिसतो आहे.