50 वर्षापर्यंतच्या रुग्णांच्या शरीरातून इतक्या दिवसात जातो कोरोना, तज्ज्ञांचा दावा

काही देशांमध्ये कोरोनामुक्त झालेल्या रुग्णाला पुन्हा कोरोना होत असल्याची अनेक प्रकरणं समोर आली आहेत. यामुळे शास्त्रज्ञांची चिंता वाढत आहे.

यातच आता इटलीमधील शास्त्रज्ञांनी कोरोनाव्हायरस शरीरातून कायमचा जाण्यासाठी किती कालावधी लागतो, याबाबत माहिती दिली आहे.

या शास्त्रज्ञांनी दिलेल्या माहितीनुसार, कोरोना संक्रमित रुग्णाच्या शरीरातून व्हायरस जाण्यासाठी किमान एका महिन्याचा कालावधी लागतो. त्यामुळे रुग्ण पॉझिटिव्ह आल्यानंतर एका महिन्यांनी त्यांची दुसरी चाचणी केली पाहिजे.

मोडेना आणि रेजिओ एमिलिया युनिव्हर्सिटीचे डॉ. फ्रान्सिस्को व्हेंतुरेली आणि त्यांच्या सहकाऱ्यांनी 1162 रुग्णांचा अभ्यास केला. यात कोरोना रूग्णांची दुसरी चाचणी 15 दिवसांनी, तिसरी 14 दिवसांनी आणि चौथ्यांदा 9 दिवसांनी करण्यात आली.

यात असे आढळले की ज्यांचे पूर्वीचे रिपोर्ट निगेटिव्ह आले आहेत, आता ते पॉझिटिव्ह आहेत. पाच लोकांच्या निगेटिव्ह चाचणीत सरासरी एक निकाल चुकीचा असतो.

अभ्यासानुसार 50 वर्षापर्यंतच्या लोकांना 35 दिवस आणि 80 वर्षांपेक्षा जास्त वय असलेल्यांना बरे होण्यासाठी 38 दिवस लागतात.