ट्रम्प यांना देण्यात आलेलं 'Antibody Cocktail' आता भारतातही, एवढी आहे कोरोनावरील या औषधाची किंमत

स्वित्झर्लंडची ड्रग कंपनी असणाऱ्या भारतातील युनिटने- रॉशे इंडिया (Roche India) आणि सिप्लानं (Cipla) सोमवारी भारतात हे अँटीबॉडी कॉकटेल हे औषध लाँच केलं आहे. कोरोनाविरोधातील लढ्यात याचा वापर होणार आहे. सिप्ला आणि रॉशेनं म्हटलं आहे, की ही अँटीबॉडी कॉकटेल आता भारतात उपलब्ध आहे.

इंडिया टुडेने दिलेल्या मेदांता रुग्णालयाचे संस्थापक डॉक्टर नरेश त्रेहान यांच्या हवाल्याने दिलेल्या वृत्तानुसार या औषधामुळे तुम्ही 70 टक्क्यांपर्यंत हॉस्पिटलायझेशनपासून वाचू शकता. त्यांनी दिलेल्या माहितीनुसार काही प्रकरणात लहान मुलांना देखील हे औषध देता येईल.

भारतात अँटीबॉडी कॉकटेलच्या वितरणाचं काम सिप्ला करणार आहे. काही ठराविक ठिकाणीच देशात हे औषध मिळणार आहे.

या औषधाची दुसरी खेप जूनच्या मध्यापर्यंत देशात दाखल होईल. रॉशेनं या कॉकटेल औषधात कासिरिविमॅब आणि इमदेविमॅब (Casirivimab and Imdevimab) सामील केलं आहे. या दोन्ही औषधांचे 600-600 MG मिसळल्यानंतर हे कॉकटेल औषध तयार होतं. (सांकेतिक फोटो)

अँटीबॉडी कॉकटेल कोरोनाची लागण झालेले अमेरिकेचे माजी राष्ट्राध्यक्ष डोनाल्ड ट्रम्प यांना देण्यात आलं होतं. या औषधाच्या वापरास अमेरिकेत परवानगी आहे. भारतात याच्या आपात्कालीन वापरास भारतात परवानगी मिळाली आहे.

सध्या भारतात अँटीबॉडी कॉकटेलचे केवळ 1,00,000 पॅक उपलब्ध आहेत. यातून तब्बल 2 लाख कोरोनाबाधितांवर उपचार करता येईल. कोरोनाविरोधातील लढाईत हे औषध महत्त्वाचं मानलं जात आहे. कंपनीच्या म्हणण्यानुसार, एका पॅकेटमध्ये दोन रुग्णांवर उपचार केले जाऊ शकतात.

भारतात या अँटीबॉडी कॉकटेलची किंमत 59,750 इतकी आहे आणि हे औषध कोरोनाच्या अत्यंत गंभीर रुग्णांसाठी आहे. सिप्ला देशभरात आपल्या मजबूत वितरण क्षमतेच्या मदतीनं या औषधाचं वितरण करेल.

या औषधासाठी एका रुग्णामागे 59,750 रुपयांचा खर्च येईल. यात सर्व प्रकारचे करही सामील असतील. कोरोना रुग्णांना हे औषध प्रमुख रुग्णालयं आणि कोविड केंद्राच्या माध्यमातून उपलब्ध होईल. या औषधात्या मल्टीडोसची किंमत 1,19,500 रुपये आहे.

याआधी मागील आठवड्यातच सिप्लानं कोविडची चाचणी करण्यासाठी नवीन RT-PCR कीट 'ViraGen' लॉन्च करण्याची घोषणा केली होती. कंपनीचं असं म्हणणं आहे, की यामुळे कोरोना रिपोर्ट तात्काळ समजू शकेल. हे कीट 25 मेपासून बाजारात उपलब्ध होणार आहे. सध्या देशात कोरोना रिपोर्ट येण्यास बराच वेळ लागत असल्यानं रुग्णांना अनेक अडचणींचा सामना करावा लागत आहे. अशा परिस्थितीमध्ये हे कीटही रुग्णांसाठी अत्यंत उपयोगी आणि वरदान ठरणार आहे.