फॅमिली कार खरेदी करायची? जाणून घ्या 10 गाड्यांच्या विक्रीबद्दल

आजपासून नवरात्र उत्सवाला सुरुवात झाली आहे. आता दसरा आणि दिवाळी सण आला आहे. त्यामुळे आपल्या कुटुंबासाठी प्रत्येक जण काही ना काही खरेदी करत असतो. जर तुमची फॅमिली मोठी असेल किंवा तुमच्याकडे अधिकापासून छोटी कार असेल आणि तुम्हाला मोठी कार घ्यायची असेल तर हा काळ अत्यंत चांगला आहे. सप्टेंबर महिन्यात देशभरात या 10 एमपीवीची सर्वात जास्त विक्री झाली आहे. त्यावरून फॅमिली कार खरेदी करण्याकडचा कल दिसून येत आहे.

Maruti Ertiga - मारुती सुझुकीची ही गाडी सर्वात जास्त विक्री होणारी गाडी ठरली आहे. सप्टेंबर महिन्यात 9,982 गाड्यांची विक्री झाली आहे. तर 2019 मध्ये मागील वर्षी या गाडीची फक्त 6,284 गाड्यांची विक्री झाली होती.

Toyota Innova Crysta - ही भारतात सर्वात जास्त विक्री होणारी दुसऱ्या क्रमांकाची गाडी ठरली आहे. सप्टेंबरमध्ये Toyota Innova Crysta च्या 4,087 गाड्यांची विक्री झाली आहे. तर मागील वर्षी हीच विक्री 4,225 इतकी होती.

Kia Carnival - किया मोटर्सने अलीकडे सोनेट लाँच करून ऑटो मार्केटमध्ये धुमाकूळ घातला आहे. सप्टेंबर महिन्यात Kia Carnival च्या 331 गाड्यांची विक्री झाली आहे.

स्वस्तात मस्त म्हणून Datsun GO+ गाड्यांची ओळख आहे. सप्टेंबर महिन्यात मात्र फक्त 55 गाड्यांची विक्री झाली आहे. मागील वर्षी सप्टेंबर महिन्यातच 160 गाड्यांची विक्री झाली आहे.

Toyota Vellfire - या गाडीची सप्टेंबर महिन्यात 14 गाड्यांची विक्री झाली आहे. तर मागील वर्षी फक्त 2 गाड्यांची विक्री झाली होती. तब्बल 600 टक्क्याने या गाड्यांची विक्री वाढली आहे.

Mahindra Xylo - देशातील अग्रणी असलेल्या महिंद्रासाठी हा महिना अत्यंत घातक ठरला आहे. कारण एकाही Mahindra Xylo गाडीची विक्री झालेली नाही. मागील वर्षी या 55 गाड्यांची विक्री झाली होती.