Money Mantra: या राशींना करिअरमध्ये चांगल्या ऑफर्स मिळतील; आर्थिक कामांना चालना मिळण्याचा दिवस

मेष (Aries): गोष्टींकडे नव्या दृष्टिने पाहण्याची समज वाढेल. जीवनशैली सुधारेल पण, त्यासाठी काही पैसे खर्च करावे लागतील. करिअरमध्ये चांगल्या ऑफर्स मिळतील. आर्थिक कामांना चालना मिळेल. प्रियजनांसोबत संस्मरणीय क्षण जगण्याची संधी मिळेल. उपाय: मुंग्यांसाठी साखर आणि पीठ टाका.

वृषभ (Taurus): कोणाच्याही मोहात पडू नका, नाहीतर नुकसान होऊ शकतं. पॉलिसी रुल्सचं पालन करा. नातेवाईकांचा आदर कराल. मूल्यांचा पुरस्कार कराल. आज तुम्ही पारंपरिक कामांत सहभागी व्हाल. जवळच्या लोकांचा सल्ला घ्यावा लागेल. उपाय: पाण्यातील माशांना खाद्य टाका.

मिथुन (Gemini): आजचा दिवस चांगला आहे. एखाद्या आदरणीय व्यक्तीच्या मार्गदर्शनाने तुमचा मार्ग सुकर होईल. पैसे कमावण्याचे नवीन मार्ग दिसतील. लहानमोठ्या प्रलोभनांपासून दूर राहा, नाहीतर एखाद्या आरोपात अडकू शकता. कुटुंबातील वातावरण आनंददायी राहील. उपाय: पालकांचे आशीर्वाद घ्या.

कर्क (Cancer): घरात प्रेम आणि समजूतदारपणाचं वातावरणं असेल. तुम्ही ज्या प्रकल्पात आणि संशोधनावर काम करत आहात त्यात तुम्हाला यश मिळेल. तुमचं नशीब तुम्हाला साथ देईल. व्यवसायाशी संबंधित लोकांना पैसे मिळतील. आज तुम्ही तुमच्यावरील जबाबदारी वेळेवर पूर्ण करू शकाल. उपाय: गोमातेला हिरवा चारा खाऊ घाला.

सिंह (Leo): दिवस अनुकूल राहील. रखडलेली महत्त्वाची कामं आज सहज पूर्ण होतील. परस्पर विश्वासाच्या मदतीनं कौटुंबिक नात्यांना बळ मिळेल. उत्पन्न चांगलं राहील आणि आर्थिक लाभ होण्याचीही शक्यता आहे. जलद यश मिळविण्यासाठी चुकीच्या मार्गाचा अवलंब करू नका. उपाय: देवी लक्ष्मीची पूजा करा.

कन्या (Virgo): आजचा दिवस छान आहे. कुटुंबातील एखाद्या सदस्यामुळे तुमची प्रतिष्ठा वाढेल आणि तुम्हाला आदर मिळेल. प्रगतीसाठी नवीन मार्ग आणि पर्याय शोधणं आवश्यक आहे. प्रॉपर्टी डीलर्ससाठी आजचा दिवस जास्त फायदेशीर आहे. खर्चावर नियंत्रण ठेवण्याचा प्रयत्न करा. उपाय: हनुमान चालिसाचं वाचन करा.

तूळ (Libra): अधिकाऱ्यांशी तुमची आज विशेष ओळख होईल. आज इतरांना दिलेले पैसे परत मिळू शकतात. अनावश्यक खर्चात कपात करा. कामाच्या ठिकाणी तुम्हाला अनुकूल असे बदल होऊ शकतात. एखाद्या मोठ्या कार्यक्रमासाठी मित्रांकडून सहकार्य मिळेल. उपाय: गुरू किंवा ज्येष्ठांचा आशीर्वाद घ्या.

वृश्चिक (Scorpio): आज तुमचं मन प्रसन्न राहील. कुटुंब आणि मित्रमंडळींमध्ये तुमचा दिवस छान जाईल. व्यावसायिकांनी अत्यंत हुशारीने काम करणं आवश्यक आहे. आर्थिक बाबींचे निर्णय तुमच्या बाजूने होतील आणि तुमचं उत्पन्नही वाढू शकेल. उपाय: गणपतीला लाडवांचा नैवेद्य दाखवा.

धनू (Sagittarius): कोणत्याही प्रकारच्या राजकारणापासून दूर राहा आणि तुमच्या कामावर लक्ष केंद्रित करा. उत्साह आणि नवीन काहीतरी करण्याची आवड दिसून येईल. एखाद्यावर जास्त विश्वास ठेवल्यानं तुमचं आर्थिक नुकसान होऊ शकतं. कुटुंबातील वातावरण आनंददायी राहील. उपाय: शिव चालिसाचं वाचन करा.

मकर (Capricorn): तुमच्यातील उदारवृत्ती इतरांना खूप प्रभावित करेल. झटपट पैसे मिळवण्यासाठी चुकीच्या योजनांमध्ये भांडवल गुंतवू नका आणि सतर्क राहा. अभ्यासात तुमची कामगिरी चांगली राहील. विवाहितांना संततीचं सुख मिळेल. उपाय: एखादी पांढरी वस्तू दान करा.

कुंभ (Aquarius): नोकरीत तुमची प्रतिभा दाखवण्याची संधी मिळेल. तुम्हाला तुमचं उत्पन्न वाढवण्याच्या चांगल्या संधी मिळू शकतात. व्यावसायिकांचं नशीब आज त्यांना साथ देईल. कुटुंबातील तुमची सकारात्मक वागणूक इतरांना प्रभावित करेल. उपाय: गणपतीला मोदकांचा नैवेद्य दाखवा.

मीन (Pisces): आजचा दिवस यश मिळवून देणारा आहे. नवीन आशेसह आजच्या दिवसाची सुरुवात होईल. जमिनीच्या व्यवहारांशी संबंधित लोक आज काम वाढवू शकतात. व्यवसायात कोणताही बदल करण्यापूर्वी वरिष्ठांचा सल्ला घ्या, नाहीतर नुकसान होऊ शकतं. उपाय: शिव चालिसाचं वाचन करा.