Numerology: भागीदारी, वैवाहिक आयुष्यातही आश्चर्यकारक कामगिरी करतात या जन्मांकाच्या व्यक्ती

क्रमांक 6: क्रमांक तीन आणि सहा हे दोन्ही अंक सर्जनशीलता आणि कमालीची प्रतिभा दर्शवतात. 6 जन्मांक असणाऱ्या व्यक्ती जबाबदारी आणि वचनबद्धतेचं पालन करणाऱ्या असतात. तीन जन्मांक असलेल्या व्यक्ती व्यक्त होणाऱ्या आणि ऑब्जेक्ट-ओरिएंटेड असतात. या व्यक्ती जबाबदारी घेण्यास कचरतात आणि वचनांचं पालन करत नाहीत.

तीनचा प्रभाव असलेल्या व्यक्ती खूप हळव्या आणि इतरांसाठी जास्त विश्वासार्ह असतात. तीनमधील या गुणांमुळे तो क्रमांक सहाशी काहीअंशी संबंधित आहे. या संदर्भात 6 हा 3 ला मागे टाकतो. नाहीतर या दोन अंकांचा प्रभाव असलेल्या व्यक्ती समान यश मिळवतात. या व्यक्ती उत्कृष्ट वक्ते असतात आणि आपली कौशल्यं कशी प्रदर्शित करावी, याची कला त्यांना माहिती असते. म्हणून ते सन्माननीय सार्वजनिक वक्ते आणि आर्थिक लाभार्थी बनतात.

सहा आणि तीन हे अंक अत्यंत सर्जनशील मानले जातात. त्यामुळे या अंकांचा प्रभाव असलेल्या व्यक्तींपैकी काहीजण उत्तम डिझायनर, चित्रकार, गायक, संगीतकार, खेळाडू आणि राजकारणी बनले आहेत. या अंकांचा प्रभाव असलेल्या महिलांवर कुटुंबाचा विश्वास असतो आणि त्या आवडत्या असतात. त्या नेहमी त्यांच्या स्वत:च्या अद्वितीय सर्जनशील मार्गानं कोणत्याही समस्येचं निराकरण करतात. या अंकांचा प्रभाव असलेल्यांनी एकत्रितपणे श्रीकृष्ण आणि राधेची पूजा करावी. सापेक्ष ग्रहांच्या उत्तम परिणामासाठी तुळशीच्या रोपाला खडीसाखर अर्पण केली पाहिजे.

क्रमांक 9: क्रमांक 9 आणि 3 एकमेकांचे जवळचे मित्र असून, त्यांचे परस्पर संबंध फार चांगले असतात. हे दोन्ही अंक विरुद्ध ध्रुवांसारखे असतात आणि त्यामुळेच त्यांच्यामध्ये आकर्षण टिकून राहतं. हे जन्मांक असलेल्या व्यक्ती व्यवसायिक भागीदारीमध्ये आणि वैवाहिक आयुष्यात आश्चर्यकारक कामगिरी करतात.

जन्मतारखेत सहा किंवा तीन क्रमांक असलेलं विवाहित जोडपं एकत्रदेखील काम करू शकतं किंवा व्यवसाय करू शकतं. या दोन्ही अंकांचा प्रभाव असलेले शास्त्रज्ञ, ग्लॅमर इंडस्ट्रीतील व्यक्ती, डिझायनर, शेअर बाजारातील व्यक्ती, शिक्षणतज्ज्ञ, डॉक्टर आणि ज्योतिषी आपल्या आयुष्यात भरपूर प्रसिद्धी आणि पैसे मिळवतात.

या जन्मांकाच्या व्यक्ती विरुद्ध लिंगाच्या व्यक्तीला लाभ देतात आणि त्यांच्यासाठी लकी ठरतात. त्यांनी फक्त उदार वृत्ती ठेवली पाहिजे, बाकी सर्व आपोआप घडतं. अशा व्यक्तींनी महत्त्वाच्या मीटिंगसाठी लाल किंवा केशरी रंगछटांचे कपडे घातले पाहिजेत.  (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)