12 वर्षांनी गुरूचं होतंय या राशीत संक्रमण; या 3 राशीच्या लोकांना जणू सुवर्णकाळ जाणवेल

राशी चक्रावर गुरू संक्रमणाचा प्रभाव - सर्व ग्रहांमध्ये गुरु हा एकमेव ग्रह आहे ज्याचा प्रभाव अत्यंत सकारात्मक आणि शुभ मानला जातो. यावेळी गुरूच्या मार्गक्रमणातून भाग्य, धार्मिक कार्य, शिक्षण आणि आर्थिक क्षेत्रात प्रगती दिसून येते. याशिवाय हा एकमेव ग्रह आहे ज्याचे परिवर्तन राशींना शुभ फळ देते

येत्या 22 एप्रिल 2023 रोजी गुरू मेष राशीत प्रवेश करेल. 12 वर्षांनंतर होणाऱ्या या राशी परिवर्तनामुळे त्याचा प्रभाव खूप शुभ मानला जातो. गुरू हा असा ग्रह आहे, ज्याला एका राशीतून दुसऱ्या राशीत प्रवेश करण्यासाठी सुमारे 13 महिने लागतात. जाणून घ्या कोणत्या राशीसाठी हे संक्रमण सुख-समृद्धी देईल.

मेष - गुरू मेष राशीत भ्रमण करणार आहे, त्यामुळे या राशीच्या लोकांना चांगले दिवस पाहायला मिळतील. या राशीच्या लोकांचे भाग्य बदलू शकते. परिवर्तनामुळे कुंडलीत लग्न भाव तयार होत असल्यानं या राशीच्या लोकांचे लग्न जुळण्याची चांगली शक्यता आहे. मान-सन्मान वाढू शकतो आणि आर्थिक क्षेत्रात प्रगती होण्याची शक्यता आहे. विवाहित लोकांसाठीही हा राशी बदल चांगला मानला जातो.

मीन - गुरूचे संक्रमण मीन राशीच्या दुसऱ्या घरात असेल. या घरातील राशीचे संक्रमण आर्थिक लाभाचे संकेत देते. याचा अर्थ मीन राशीला पैसा मिळू शकतो. गुरूच्या प्रभावामुळे कौटुंबिक समस्या व वाद दूर होऊ शकतात आणि कौटुंबिक सहकार्य वाढण्याची अपेक्षा आहे

कर्क - या राशीच्या लोकांसाठी गुरूचे संक्रमण चांगले राहील. या राशीच्या कर्म भावात गुरूची स्वारी येईल. या राशीच्या लोकांना उत्पन्नात वाढ होऊ शकते, आर्थिक लाभ होऊ शकतो आणि नोकरीच्या संधीही निर्माण होत आहेत. मान-सन्मानात वाढ होऊ शकते.