अहमदनगर-श्रीगोंदा रेल्वे स्थानकाजवळ मालगाडीचे 12 डबे घसरले, PHOTOS

अहमदनगर-श्रीगोंदा रेल्वे स्थानकाजवळ मालवाहतूक करणाऱ्या रेल्वेचे 12 डबे रुळावरून घसरल्याची घटना घडली आहे. सुदैवाने या दुर्घटनेत कोणतीही जीवितहानी किंवा जखमी झाले नाही. मात्र, या दुर्घटनेमुळे रेल्वे वाहतूक सेवा ठप्प झाली आहे.

श्रीगोंदा रेल्वे स्थानकाजवळ मालवाहतूक करणाऱ्या रेल्वेचे 12 डबे रुळावरून घसरले आहेत.

पहाटे मनमाड- दौंड रेल्वेमार्गावरील श्रीगोंदा रेल्वे स्थानकानजिक दौंडकडून नगरच्या दिशेने जाणाऱ्या मालवाहतूक रेल्वेचे 12 डबे रुळावरून घसरल्याने मोठा अपघात झाला.

सुदैवाने या अपघातात कोणतीही जीवितहानी किंवा जखमी झालेले नाही.

या अपघातामुळे या मार्गावरील रेल्वे वाहतूक सेवा ठप्प झाली आहे.

या अपघातानंतर या मार्गावरील सर्व रेल्वेगाड्या मागील रेल्वे स्थानकावरच रोखण्यात आल्या आहेत.

सिमेंट वाहतूक करणाऱ्या या मालवाहतूक गाडीला 42 डबे होते. त्यातील 12 डबे रुळावर घसरले आहेत.

रेल्वेमार्ग दुरुस्त होण्यास वेळ लागणार असल्यामुळे या मार्गावरील रेल्वे वाहतूक बऱ्याच वेळेसाठी ठप्प राहणार आहे.

हा अपघात कसा झाला याबाबत अधिकृत माहिती उपलब्ध होऊ शकली नाही.

रेल्वे रुळ तुटल्यामुळे वाहतूक विस्कळीत झाली आहे.

रुळावरून घसरलेले डबे बाजूला करण्याचे काम युद्ध पातळीवर सुरू आहे.