भीषण VIDEO : सप्तपदीपूर्वीच काळाची झडप; वेगवान कारच्या धडकेने जोडप्याचा रस्त्यावरच झाला अंत

हैदराबाद, 10 ऑक्टोबर : लग्नाची गाठ मारण्यासाठी निघालेल्या एका जोडप्यावर काळाने झडप घातली. अंगावर काटा येईल अशा या अपघाताचं दृश्य CCTV कॅमेऱ्यात कैद झालं आहे. सिग्नलवर शिस्तीत उभ्या असलेल्या गाड्या हिरव्या दिव्याची प्रतीक्षा करत होत्या. काही कळायच्या आत मागून प्रचंड वेगाने आलेल्या एका कारने दुचाकीसह दोन-चार गाड्यांना धडक दिली. ही धडक एवढी प्रचंड होती की, एका बाईकने रस्त्यातच पेट घेतला. या बाईकवर असलेल्या जोडप्याचा अपघातात मृत्यू झाला आहे. या दोघांचं लग्न ठरलं होतं आणि लग्नगाठ मारण्यासाठीचे ते दोघे निघाले होते. पण त्याअगोदरच काळाने झडप घातली. याशिवाय दुसऱ्या एका बाईकस्वारालाही जबर जखमी अवस्थेत उपचारासाठी नेत असतानाच मृत्यूने गाठलं. या अपघातात आणखी दोघे जण जखमी झाले आहेत. तीन जणांच्या मृत्यूला कारणीभूत ठरलेल्या कारचालकाला पोलिसांनी ताब्यात घेतलं आहे. गाडीवरचं नियंत्रण सुटल्याने अपघात झाल्याचं प्राथमिक तपासात दिसत आहे. कारचा ब्रेक फेल झाल्याने नियंत्रण सुटलं असा कारचालकाचा दावा आहे. या भयंकर अपघाताचा थरार CCTV कॅमेऱ्यात कैद झाला आहे. या अपघातात एका जोडप्यासह तिघे जण जागीच मृत्यूमुखी पडले, तर इतर दोघे जण जखमी झाले आहेत. हैदराबादजवळ गेल्या 24 तासांत वेगवान गाडीमुळे झालेला हा दुसरा मोठा अपघात आहे. छोटुप्पल शहरात (येडाद्री भुवनगिरी जिल्हा )एका सिग्नलवर तिघांचा जीव घेणारा हा भीषण अपघात झाला. त्याअगोदर हैदराबाद शहरात कालच (रविवारी संध्याकाळी) एका लक्झरी गाडीने रस्त्यावरून चालणाऱ्या 50 वर्षीय इसमाला धडक दिली होती. या पादचाऱ्याचा जागीच मृत्यू झाला होता.

हैदराबाजवळ झालेल्या एका भयंकर अपघाताची दृश्य CCTV कॅमेऱ्यात कैद झाली आहेत. लग्नासाठी निघालेल्या एका जोडप्याचा आयुष्यभराची गाठ मारण्याआधीच मृत्यू झाला. वेगवान कारने अनेक गाड्यांना उडवल्याचा भीषण VIEDO pic.twitter.com/0otsgPsbrh

— News18Lokmat (@News18lokmat) October 12, 2020

फेरारी स्पोर्टस कार चालवणाऱ्याचा वेगामुळे गाडीवरचा ताबा सुटला आणि कडेने चालणाऱ्या पादचाऱ्याला चिरडक गाडी पुढे गेली. या भीषण घटनेची चर्चा शहरात सुरू असतानाच त्याच प्रकारचा दुसरा अपघात तेलंगण राज्यात घडला आहे. Parle G सोशल मीडियावर ठरलं जीनिअस! TV चॅनेल्सविषयी घेतली मोठी भूमिका सोमवारी झालेल्या अपघातात सिग्नलवर गाड्या उभ्या असलेल्या दिसूनसुद्धा कारचालकाला वेग कमी करता आला नाही, एवढ्या वेगाने तो गाडी चालवत होता. कारवरील नियंत्रण सुटल्याने तो सरळ येऊन पुढच्या गाड्यांवर धडकला. एका गाडीच्या इंधन टाकीला धक्का लागल्याने गाडीने जागीच पेट घेतला. त्यामुळे अपघाताताली जखमींना पटकन वाचवण्यासाठी जाण्यासही वेळ गेला. यात महिलेचा आणि तिच्या होणाऱ्या पतीचा हकनाक जीव गेला. बाजूच्या गाडीवर असणारा एक जण जखमी आहे. तो या जोपड्याचाच नातेवाईक असल्याचं समजतं. तोही या लग्नाला उपस्थित राहण्यासाठीच निघाला होता.