कर्नाटकात मतदान शांततेत, 4 वाजेपर्यंत 60 टक्के मतदान

बंगळुरू,ता.12 मे: कर्नाटक विधानसभेसाठी शांततेत मतदान सुरू असून 4 वाजेपर्यंत 60 टक्के मतदान झालं. किरकोळ घटना वगळता मतदान शांततेत पार पडलं. पाऊस आल्यानं हुबळीत काही केंद्रांवर मतदानात अडथळा निर्माण झाला.

सकाळी सात वाजता मतदान सुरू झालं. संध्याकाळी 6 पर्यंत मतदान चालणार असून 65 टक्क्यांपर्यंत मतदान होईल असा अंदाज व्यक्त करण्यात येतोय. कर्नाटक विधानसभेच्या एकून 224 जागा असून 222 जागांवर मतदान होत आहे.

एका जागेवर भाजपचे उमेदवार बी एन विजयकुमार यांचं अकस्मिक निधन झाल्यानं आणि एका जागेवर बनावट ओळखपत्र आढळल्यानं मतदान लांबणीवर टाकण्याचा निर्णय निवडणूक आयोगानं घेतलाय.

• कर्नाटक विधानसभेच्या एकून जागा 224
• मतदान होणार 222 मतदार संघांमध्ये
• बनावट मतदान ओळखपत्र सापडल्यानं एका जागेचं मतदान लांबणीवर
• एकून मतदार 4 कोटी 98 लाख
• एकून उमेदवार 2 हजार 600
• 55 हजार 600 मतदान केंद्रावर होणार मतदान
• 3 लाख 50 हजार कर्मचारी तैनात