VIDEO : कोल्हापूरची अजब कहाणी; गावात शून्य मतदान, उमेदवारानेही केलं नाही VOTE

ऐरवी मतदानाच्या दिवशी गावात गोंधळ असतो. गावकरी रांग लावून मतदान देण्यासाठी उभे असतात. मात्र आज या गावातील चित्रं वेगळंच होतं.

News18 Lokmat
Last Updated : January 15, 2021, 18:57 IST

SANDIP RAJGOLKAR

कोल्हापूर, 15 जानेवारी : सध्या राज्यात सुरू असलेल्या ग्राम पंचायतीच्या निवडणुकीदरम्यान एक आश्चर्यकारक बातमी समोर आली आहे. येथे एका गावात एकाही नागरिकाने मतदान केलं नाही. ही बातमी ऐकून कदाचित तुम्हाला विश्वास बसणार नाही. मात्र हे खरं आहे. याचा एक व्हिडीओही समोर आला आहे. ऐरवी मतदानाच्या दिवशी गावात गोंधळ असतो. गावकरी रांग लावून मतदान देण्यासाठी उभे असतात. मात्र यंदाच्या वर्षी असं काहीही या गावात पाहायला मिळालं नाही. कोल्हापूर जिल्ह्यातल्या पेरीडमध्ये आश्चर्यकारक निवडणूक झाल्याचे समोर आले आहे. येथील एका वॉर्डात 2 उमेदवार रिंगणात उभे होते. या दोन उमेदवारांपैकी एकालाही मतं मिळाली नाहीत. इतकच नाही तर उमेदवाराने स्वत:लाही मतदान केलं नाही. हे ही वाचा-बुलेटला 'बॅलेट'ने उत्तर, 10 किमी पायपीट करून केले मतदान!

कोल्हापूर जिल्ह्यातील पेरीडमध्ये आश्चर्यकारक निवडणूक. गावातील एकाही व्यक्तीने मतदान केलं नाही. पाहा VIDEO... 1/2 pic.twitter.com/4LApQI4czh
— News18Lokmat (@News18lokmat) January 15, 2021

गेल्या 65 वर्षांपासून येथे बिनविरोध निवडणूक होत होती. तर यंदा एका जागेसाठी ही निवडणूक घेण्यात आली होती. पण दोन्ही उमेद्वारांसह कुणीच मतदान केलं नाही. कोल्हापूर जिल्ह्यातील शाहूवाडी तालुक्यातील पेरीड या गावात 65 वर्षांपासून बिनविरोध निवडणुकीची परंपरा आहे. त्यामुळे काल रात्री गावात एक मिटिंग झाली अशी माहिती समोर आली आहे.

कोल्हापूर जिल्ह्यातील या गावात उमेदवारानेही स्वत:ला मतदान दिलं नाही. 2/2 pic.twitter.com/OFLQduqA49
— News18Lokmat (@News18lokmat) January 15, 2021

त्या मिटिंगनुसार आज मतदारांसह जे दोन उमेदवार रिंगणात होते त्या दोघांनीही मतदानाचा हक्क बजावला नाही. त्यामुळे एका जागेवरची निवडणूक अजूनही अधांतरीच आहे. इतर वॉर्डात बिनविरोध निवडणूक झाली असली तरी या वॉर्डातील निवडणूक आता पुन्हा बिनविरोध होणार की मतदान होणार याबाबत कोल्हापूर जिल्ह्यात आता उत्सुकता वाढली आहे.

तुमच्या शहरातून (महाराष्ट्र)

महाराष्ट्र

Published by:Meenal Gangurde

First published: January 15, 2021, 18:57 IST

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: Gram panchayat, Kolhapur

बातम्या

आपला जिल्हा निवडा