या आहेत आज दिवसभरातील 5 महत्त्वाच्या घडामोडी

या आहेत आज दिवसभरातील 5 महत्त्वाच्या घडामोडी

आज दिवसभरात या 5 महत्त्वाच्या घडामोडींवर सगळ्यांचं लक्ष असणार आहे.

  • Share this:

बेस्ट कर्मचाऱ्यांची पत्रकार परिषद

बेस्ट कर्मचाऱ्यांना फेब्रुवारी महिन्याचा पगार मिळालेला नाही आहे. त्यामुळे या विरोधात मंगळवारी पत्रकार परिषदेचं आयोजन करण्यात आलं आहे. बेस्ट कर्मचाऱ्यांच्या संघटनेतर्फे याविरोधात पत्रकार परिषद आयोजित केली आहे.

रावसाहेब दानवे यांची जाहीर सभा

धुळ्यात भाजपाचे लोकसभेचे उमेदवार डॉ. सुभाष भामरे यांच्या प्रचारार्थ प्रदेशाध्यक्ष रावसाहेब दानवे यांनी जाहीर सभेचं आयोजन केलं आहे. त्यासाठी धुळ्यामध्ये मोठी तयारी करण्यात आली आहे.

रत्नागिरीत खेडमध्ये राष्ट्रवादीचा कार्यकर्ता मेळावा

खेड येथे राष्ट्रवादीचा कार्यकर्ता मेळावा आयोजित करण्यात आला आहे. यावेळी सुनिल तटकरे उपस्थित राहणार आहे. यावेळी व्यासपीठावरून कार्यकर्त्यांना आणि मार्गदर्शन करण्यात येणार आहे. त्यामुळे आजच्या या मेळाव्याकडे सगळ्यांचं लक्ष असणार आहे.

पिंपरीत रोहित पवार आणि पार्थ पवार कार्यकर्त्यांशी साधणार संवाद

लोकसभा निवडणुका काही दिवसांवर आल्यानंतर आता प्रत्येक राजकीय पक्षामध्ये मोठ्या घडामोडींना वेग आला आहे. त्यासाठी आता प्रचारांच्या आणि सभेच्या फेऱ्या सुरू झाल्या आहेत. यातच आज पिंपरी चिंचवडमध्ये रोहित पवार आणि पार्थ पवार हे एकत्रच कार्यकर्त्यांशी संवाद साधणार आहेत.

इम्तियाज जलील औरंगाबादमधून लोकसभा लढवणार

एमआयएम आणि वंचित बहुजन आघाडीकडून इम्जियाज जलील यांना औरंगाबादची उमेदवारी देण्यात आली आहे. सोमवारी रात्री त्यांना ही उमेदवारी देण्यात आली. इम्जियाज जलील यांच्या विरोधात शिवसेनेचे चंद्रकांत खैरे तर काँग्रेसचे सुभाष झांबड मैदानात आहेत.

First published: March 26, 2019, 6:47 AM IST

ताज्या बातम्या

corona virus btn
corona virus btn
Loading