मुंबई, 18 डिसेंबर : मागील महिन्यात बॉलिवूड (Bollywood) अभिनेता टायगर श्रॉफची(Tiger Shroff) बहीण कृष्णा श्रॉफनी (Krishna Shroff) आपला बॉयफ्रेंड एबन हायम्ससोबत (Eban Hyams) ब्रेकअप केलं आहे. तिनं स्वतः इन्स्टाग्रामवर याची माहिती दिली होती. त्यानंतर इन्स्टाग्रामवर फॅन क्लबला उद्देशून तिनी एक इन्स्टा स्टेटस टाकलं होतं, त्यात तिने यापुढे तिचं आणि एबनचं नाव एकत्र न जोडण्यास सांगितलं होतं. तसंच त्याच्या नावाच्या कोणत्याही पोस्टमध्ये टॅग न करण्याचं आवाहन तिनी चाहत्यांना केलं होतं. या दोघांनी आपल्या ब्रेकअपचं कोणतंही कारण दिलेलं नाही. एबन हायम्स(Eban Hyams) हा एक प्रोफेशनल बास्केटबॉल प्लेअर आहे. त्यानंतर आता तिने पुन्हा इंस्टाग्रामवर एक फोटो टाकला आहे. हा फोटो तिनी आपला प्रियकर नुसरत गोकसे (Nusret Gokce) याच्याबरोबरचा शेअर केला आहे. नुसरत एक तुर्की शेफ असून त्याचं स्वतःचं रेस्टॉरन्ट आहे. या नव्या फोटोत कृष्णा तिच्या प्रियकराच्या गालावर किस करताना दिसत आहे. तर नुसरत सेल्फी घेताना दिसत आहे.
'bae time' असं या फोटोला तिनी कॅप्शन दिलं असून हा फोटो मोठ्या प्रमाणात व्हायरल झाला आहे. कृष्णा ही सोशल मीडियावर(social media) मोठ्या प्रमाणात अक्टिव्ह असते. आपले अनेक फोटो ती सोशल मीडियावर टाकत असते. काही दिवसांपूर्वी नुसरतनी टायगरबरोबरचा एक फोटो शेअर केला होता. या फोटोत त्याने टायगरला 'भाऊ' देखील म्हटलं होतं. कृष्णा श्रॉफने हा फोटो शेअर केल्यानंतर तिचा एक्स बॉयफ्रेंड एबन हायम्स याने कमेंट केलेली आहे.
या फोटोवर एबन हायम्सने कमेंट करत ‘तू तर इतक्या लवकर पुढे निघून गेलीस’ असं म्हटलं आहे. त्याचबरोबर त्याने या कमेंटबरोबर हसण्याचे इमोजी देखील टाकले आहेत. एबन हा व्यावसायिक बास्केटबॉल प्लेअर असून काही महिन्यांपूर्वी दोघांचं ब्रेकअप झालं होतं.