'हा काही दाऊदच्या बायकोने केलेला मला फोन नाही', भाजप नेत्याची टोलेबाजी, पाहा हा VIDEO

मुख्यमंत्री उद्धव ठाकरे व शरद पवार यांना धमकीचा फोन येणे ही गंभीर बाब आहे.

News18 Lokmat
Last Updated : September 08, 2020, 14:15 IST

मुक्ताईनगर, 08 सप्टेंबर : मुख्यमंत्री उद्धव ठाकरे आणि राष्ट्रवादीचे अध्यक्ष शरद पवार यांना धमकीचे फोन येणे ही गंभीर बाब आहे, अशी चिंता भाजपचे ज्येष्ठ नेते एकनाथ खडसे यांनी व्यक्त केली. तसंच, हा काही नाथाभाऊंना दाऊदच्या बायकोने फोन केला, असा गंमतीशीर विषय नसून याची गंभीरता ओळखून याबाबत चौकशी होणे गरजेचे आहे अशी मागणीही एकनाथराव खडसे यांनी केली. मुख्यमंत्री उद्धव ठाकरे व शरद पवार यांना धमकीचा फोन येणे ही गंभीर बाब असून मुख्यमंत्र्यांना जर धमकी देण्याचे धारिष्ट करत असेल तर राज्याच्या कायदा व सुव्यवस्थेला आव्हान आहे. त्यामुळे सरकार समोर एक आव्हान आहे की हा फोन करणार कोण आहे. कोणत्या कारणासाठी त्यांनी फोन केला यातील गंभीरता किती आहे हे समाजासमोर लवकरात लवकर आला पाहिजे, असंही खडसे म्हणाले.

हा काही नाथाभाऊंना दाऊदच्या बायकोने फोन केला, असा गंमतीशीर विषय नाही -एकनाथ खडसे pic.twitter.com/prRnOQo4pz
— News18Lokmat (@News18lokmat) September 8, 2020

मुख्यमंत्र्यांना व शरद पवार यांना अशाप्रकारे फोन आल्याने संपूर्ण महाराष्ट्र अस्वस्थ होतो. यातील तथ्य जोपर्यंत बाहेर येत नाही तोपर्यंत ही अस्वस्थता दूर होणार नाही. खरंतर हा खोडकरपणा करण्याचा प्रयत्न असेल. मात्र, सहजासहजी हा प्रकार घेता येणार नाही. तो काही नाथाभाऊंना दाऊदच्या बायकोने फोन केला अशा पद्धतीचा गंमतीचा प्रयोग नसावा त्यात काहीतरी गंभीरता असेल, त्याची खात्री करणे गरजेचे आहे. कारण सर्वांचे जीवन सुरक्षित राहण्याची जबाबदारी ही आपल्या सरकारची आहे, असंही खडसे म्हणाले.

तुमच्या शहरातून (महाराष्ट्र)

महाराष्ट्र

Published by:sachin Salve

First published: September 08, 2020, 14:15 IST

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

बातम्या

आपला जिल्हा निवडा