S M L

मोदींच्या नांदेड सभेनंतर अशोक चव्हाणांसाठी आता राहुल गांधीही मैदानात

लोकसभा प्रचारासाठी काँग्रेस अध्यक्ष राहुल गांधी आज मराठवाड्याच्या दौरावर आहेत. अशोक चव्हाण यांच्या प्रचारासाठी सायंकाळी ६ वाजता राहुल गांधीची नांदेड इथे मार्केट कमिटी मैदानात जाहीर सभा होणार आहे.

Updated On: Apr 15, 2019 10:59 AM IST

मोदींच्या नांदेड सभेनंतर अशोक चव्हाणांसाठी आता राहुल गांधीही मैदानात

नांदेड, 15 एप्रिल : नांदेड हा काँग्रेस प्रेदश अध्यक्ष अशोक चव्हाण यांचा बालेकिल्ला आहे. त्यांच्या या बालेकिल्ल्यामध्ये भाजपच्या प्रताप चिखलीकर आणि वंचित बहुजन आघाडीचे यशवंत भिंगे यांनी मोठं आव्हान दिलं आहे. त्यामुळे चव्हाणांना निवडणूक जड जावू लागली असतानाच पंतप्रधान नरेंद्र मोदी आणि मुख्यंमंत्री देवेंद्र फडवणीस यांनी भव्य सभा घेत अशोक चव्हाणांची डोकेदुखी आणखीनच वाढवली. त्यामुळे आता अशोक चव्हाण यांनीही प्रचारासाठी राहुल गांधी यांना उभं केलं आहे.

लोकसभा प्रचारासाठी काँग्रेस अध्यक्ष राहुल गांधी आज मराठवाड्याच्या दौरावर आहेत. अशोक चव्हाण यांच्या प्रचारासाठी सायंकाळी ६ वाजता राहुल गांधीची नांदेड इथे मार्केट कमिटी मैदानात जाहीर सभा होणार आहे. अशोक चव्हाण यांचा प्रचार करण्यासाठी आता राहुल गांधी महाराष्ट्रात असणार आहे.

दरम्यान, गेल्या काही दिवसांआधी पंतप्रधान नरेंद्र मोदी यांनी नांदेडमध्ये जाहीर सभा घेतली. त्यावेळी त्यांनी विरोधकांवर जोरदार टीका केली. त्यामुळे आज राहुल गांधी नांदेडच्या जनतेला काय आव्हान करणार हे पाहणं महत्त्वाचं आहे.


...तर मुख्यमंत्र्यांना लाज कशी वाटत नाही? - अशोक चव्हाण    

'भारतीय जनता पक्षाला नांदेडात माझ्या विरोधात सक्षम उमेदवार मिळत नाही म्हणून त्यांना भाड्याने उमेदवार आणावा लागला. त्यामुळे भाजपच्या मुख्यमंत्र्यांना नांदेडकरांना उपदेश देण्याचा नैतिक अधिकार नाही.' असा प्रहार काँग्रेस नेते अशोक चव्हाण यांनी केला होता.

हेही वाचा : 'ज्येष्ठांचा अपमान करणारं कारटं लोकसभेत नको', सुजय विखेंवर आव्हाडांची टीका

Loading...

'नांदेडचा विकास कोणी केला? हे नांदेडच्या जनतेला माहित आहे. नांदेडकरांनी महापालिका निवडणुकीतही या भाड्याच्या नेतृत्वाचा दारूण पराभव केला. त्याचीच पुनरावृत्ती लोकसभा निवडणुकीतही होईल.' अशी घणाघाती टीका महाराष्ट्र प्रदेश काँग्रेस कमिटीचे अध्यक्ष अशोक चव्हाण यांनी मुख्यमंत्र्यांवर केली होती.

यासंदर्भात बोलताना अशोक चव्हाण म्हणाले की, 'भारतीय जनता पक्षाने या निवडणुकीमध्ये देशातील ज्वलंत प्रश्नांना बाजूला ठेवून लष्कराच्या नावावर मतं मागण्याचा किळसवाणा प्रकार सुरू केला आहे. मागील पाच वर्षात राज्यात 15 हजार शेतकऱ्यांनी आत्महत्या केल्या. संपूर्ण महाराष्ट्र दुष्काळात होरपळतो आहे.'

ते पुढे म्हणाले की, 'सरकारने मोठा गाजावाजा केलेली जलयुक्त शिवार योजना पूर्णपणे अपयशी ठरली. राज्यभरात 4 हजारांहून अधिक टँकर सुरू आहेत. तरीही जनतेला प्यायला पाणी मिळत नाही. या भीषण दुष्काळात सरकार शेतक-यांना आर्थिक मदत देऊ शकले नाही. ग्रामीण भागात रोजगार उपलब्ध करून देता आला नाही. जनावरांसाठी चारा छावण्या सुरू करू शकले नाही. त्यामुळे गावंच्या-गावं ओस पडली असून या परिस्थितीतही आपण शेतक-यांसाठी खूप काही करीत असल्याचा आव आणताना मुख्यमंत्र्यांना लाज कशी वाटत नाही?' असा संतप्त सवाल काँग्रेस प्रदेशाध्यक्षांनी केला होता.

'या सरकारने जाहीर केलेल्या बहुतांश योजनांचा बोजवारा उडाला आहे. घोषणाकरून दोन वर्ष झाली तरी, अजूनही राज्यातील शेतक-यांना कर्जमाफीचा लाभ मिळाला नाही. शेतमालाला उत्पादन खर्चावर आधारीत दीडपट हमीभाव देण्याची घोषणा मोदींनी पाच वर्षापूर्वी केली होती त्याचे काय झाले? ते मुख्यमंत्र्यांनी सांगावं.' असे अनेक प्रश्न यावेळी अशोक चव्हाण यांनी उपस्थित केले होते.

'मेक इन इंडिया, मेक इन महाराष्ट्र, स्टार्ट अप इंडिया, मॅग्नेटीक महाराष्ट्र, मुद्रा योजना अशा अनेक योजनांची घोषणा केल्यानंतरही देशातील बेरोजगारी कमी का झाली नाही? पंधरा लाखांचे काय झाले? देशात किती स्मार्ट सिटी उभा राहिल्या ? दरवर्षी दोन कोटी नोक-यांचे काय झाले? या प्रश्नांची उत्तरे मुख्यमंत्र्यांनी द्यावीत' असं प्रतिआव्हान काँग्रेस प्रदेशाध्यक्षांनी दिलं.


VIDEO : 'पुन्हा असं बोलायचं नाही', जाहीर सभेतच शरद पवारांनी दिली अमरसिंह पंडितांना वॉर्निंग

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Apr 15, 2019 10:59 AM IST
Loading...

लोकप्रिय बातम्या

ताज्या बातम्या

  • I agree to receive emails from NW18

  • I promise to vote in this year's elections no matter what the odds are.

    Please check above checkbox.

  • SUBMIT

Thank you for
taking the pledge

Vote responsibly as each vote
counts and makes a difference

Click your email to know more

Disclaimer:

Issued in public interest by HDFC Life. HDFC Life Insurance Company Limited (Formerly HDFC Standard Life Insurance Company Limited) (“HDFC Life”). CIN: L65110MH2000PLC128245, IRDAI Reg. No. 101 . The name/letters "HDFC" in the name/logo of the company belongs to Housing Development Finance Corporation Limited ("HDFC Limited") and is used by HDFC Life under an agreement entered into with HDFC Limited. ARN EU/04/19/13618
T&C Apply. ARN EU/04/19/13626

Live TV

News18 Lokmat
close