S M L

गांधी, नेहरू, आंबेडकर हे अनिवासी भारतीय !-राहुल गांधी

काँग्रेसची चळवळ ही 'एनआरआय' अर्थात अनिवासी भारतीयांनी उभी केली. महात्मा गांधी हे अनिवासी भारतीय होते, पंडित जवाहरलाल नेहरू हेही इंग्लंडहून परतले होते, मौलाना आझाद, बाबासाहेब आंबेडकर आणि सरदार वल्लभभाई पटेल हे देखील अनिवासी भारतीयच होते. या सर्वांचं काँग्रेस चळवळीत मोठं योगदान होतं.

Chandrakant Funde | Updated On: Sep 22, 2017 10:15 PM IST

गांधी, नेहरू, आंबेडकर हे अनिवासी भारतीय !-राहुल गांधी

न्यूयॉर्क, 22 सप्टेंबर : काँग्रेसची चळवळ ही 'एनआरआय' अर्थात अनिवासी भारतीयांनी उभी केली. महात्मा गांधी हे अनिवासी भारतीय होते, पंडित जवाहरलाल नेहरू हेही इंग्लंडहून परतले होते, मौलाना आझाद, बाबासाहेब आंबेडकर आणि सरदार वल्लभभाई पटेल हे देखील अनिवासी भारतीयच होते. या सर्वांचं काँग्रेस चळवळीत मोठं योगदान होतं. त्यामुळे भारताच्या उभारणीत अनिवासी भारतीयांचं मोठं योगदान आहे, असं काँग्रेसचे उपाध्यक्ष राहुल गांधी यांनी म्हटलंय. न्यूयॉर्कमधील टाइम्स स्क्वेअर या ठिकाणी अनिवासी भारतीयांना संबोधित करताना त्यांनी ही भूमिका मांडली.

गांधी, नेहरू आणि इतर सगळ्यांकडे भारताबाहेरच्या जगाचा अनुभव होता. भारतात परतल्यावर या सगळ्यांनी आपल्या अनुभवाचा उपयोग देश उभारणीसाठी केला असेही त्यांनी म्हटले. अमेरिकेतील न्यूयॉर्क शहरातील सुमारे २००० कॉग्रेस समर्थक अनिवासी भारतीयांना राहुल गांधींनी संबोधित केलं. राहुल गांधी दोन आठवड्यांच्या अमेरिकेच्या दौऱ्यावर आहेत.

नवभारताची पायाभरणी करणाऱ्या नेत्यांबाबत आपले विचार मांडताना राहुल गांधी पुढे म्हणाले, की राष्ट्र निर्मात्या नेत्यांपैकी प्रत्येकजण भारताबाहेर गेला, बाहेरचे जग पाहिले, पुन्हा मायदेशात परतला आणि आपल्योसोबत आणलेल्या कल्पनांचा वापर करत त्याने देशाला बदलण्याचे काम केले, असे हजारो आहेत, ज्यांच्या योगदानाची दखल अद्याप घेतली गेलेली नाही याकडेही राहुल गांधी यांनी अनिवासी भारतीयांचे लक्ष वेधले. भारतीय धवलक्रांतीचे जनक वर्गीस कुरियन यांचीही आठवण राहुल गांधींनी यावेळी काढली. कुरियन देखील अनिवासी भारतीय असल्याचे ते म्हणाले.



अनिवासी भारतीयांना भारताच्या विकासातील महत्वाचे घटक असल्याचे म्हणताना राहुल गांधी यांनी मोदी सरकारवरही जोरदार टीकास्त्र सोडले. भारतातील केंद्र सरकार हे लोकांमध्ये फूट पाडण्याचे राजकारण करत असून भारतात जातीय हिंसाचार आणि असहिष्णूतेत सतत वाढ होत असल्याची चिंता राहुल गांधींनी व्यक्त केलीय.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Sep 22, 2017 10:15 PM IST
Loading...

लोकप्रिय बातम्या

ताज्या बातम्या

  • I agree to receive emails from NW18

  • I promise to vote in this year's elections no matter what the odds are.

    Please check above checkbox.

  • SUBMIT

Thank you for
taking the pledge

But the job is not done yet!
vote for the deserving condidate
this year

Click your email to know more

Disclaimer:

Issued in public interest by HDFC Life. HDFC Life Insurance Company Limited (Formerly HDFC Standard Life Insurance Company Limited) (“HDFC Life”). CIN: L65110MH2000PLC128245, IRDAI Reg. No. 101 . The name/letters "HDFC" in the name/logo of the company belongs to Housing Development Finance Corporation Limited ("HDFC Limited") and is used by HDFC Life under an agreement entered into with HDFC Limited. ARN EU/04/19/13618
T&C Apply. ARN EU/04/19/13626

Live TV

News18 Lokmat
close