पुणे 03 जुलै : मुंबई-पुणे एक्स्प्रेस वेवर एका कारला भीषण अपघात झाला. हा अपघात इतका भीषण होता की कारही रस्त्याच्या सुरक्षा पट्टीत कार आरपार घुसली.
पुण्याहून मुंबईकडे जाणाऱ्या मार्गावरील सोमटणे फाटया जवळ हुंदाई एसयुव्ही कारच्या चालकाचा ताबा सुटल्याने हा अपघात घडला. या अपघातात अमोल पाटील, श्रीमंत भोंदे प्रकाश वाईगडे हे थोडक्यात बचावले. हे सर्व जण मीरा भाईंदर येथील रहिवासी आहे. 
या कारचा ताबा सुटल्यानंतर कार थेट रस्त्याच्या बाजूला असलेल्या संरक्षण पट्टीला जाऊन धडकली. ही धडक इतकी भीषण होती की, सुरक्षा पट्टी कारच्या आरपार गेली. या धडकेमुळे कारच्या पुढच्या बाजूचा चेंदामेंदा झाली. सुदैवाने या अपघातात कोणतीही जीवीतहानी झाली नाही. तिन्ही जखमींवर खासगी रुग्णालयात उपचार सुरू आहे.
बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा
