अखेर प्रकाश आंबेडकरांचे काँग्रेसला अल्टिमेटम

अखेर प्रकाश आंबेडकरांचे काँग्रेसला अल्टिमेटम

तुम्ही प्रकाश आंबेडकरांना सन्मानजनक जागा द्या मी वंचित बहुजन आघाडीतून बाहेर पडायला तयार आहे, असं विधान एमआयएमच्या असदुद्दीन ओवेसींनी केलं होतं.

  • Share this:

मुंबई, २४ जानेवारी २०१९- आघाडी करायची की नाही, याबाबत ३१ जानेवापीपर्यंत निर्णय घ्या, नाहीतर आम्ही आमची पुढची दिशा ठरवू, अशा इशारा प्रकाश आंबेडकरांनी काँग्रेसला दिला आहे. ओवेसींच्या एमआय़एमला सोबत घेण्यावरून काँग्रेस आणि भारिप बहुजन महासंघात मतभेद आहेत. आघाडी करण्यासंदर्भात वंचित बहुजन आघाडीच्या काँग्रेससोबत चर्चेच्या अनेक फेऱ्या झाल्या. काँग्रेस एमआयएमच्या मुद्यापलिकडे जायला तयार नाही.

आता ३० जानेवारीपर्यंत काँग्रेसने अंतिम निर्णय घ्यावा, अन्यथा ३१ जानेवारीला श्रीरामपूर येथे बैठक घेऊन वंचित बहुजन आघाडीची पुढील दिशा ठरवली जाईल, अशी माहिती भारिप-बमसंचे राष्ट्रीय अध्यक्ष प्रकाश आंबेडकर यांनी बुधवारी पत्रकार परिषदेत दिली. जुलै २०१८ मध्ये वंचित बहुजन आघाडीची घोषणा करण्यात आली.

काही दिवसांपूर्वी 'तुम्ही प्रकाश आंबेडकरांना सन्मानजनक जागा द्या मी वंचित बहुजन आघाडीतून बाहेर पडायला तयार आहे, असं विधान एमआयएमच्या असदुद्दीन ओवेसींनी केलं होतं. त्यानंतर राष्ट्रवादी काँग्रेसने प्रकाश आंबेडकर यांच्या भारिप बहुजन महासंघाशी आघाडीसाठी बोलणी सुरू केली होती. माजी उपमुख्यमंत्री आणि राष्ट्रवादीचे नेते छगन भुजबळ यांनी भारिपच्या नेत्यांसोबत या संदर्भात बैठकही घेतली होती. छगन भुजबळ यांच्यासोबतच्या बैठकीसाठी वंचित बहुजन आघाडीचे नेते आमदार बळीराम सिरस्कार, हरिदास भदे, विजयराव मोरे, प्रा. किसन चव्हाण, प्रा. सदानंद माळी आदी नेते उपस्थित होते.

आघाडीबाबत काय म्हणाले होते ओवेसी?

'काँग्रेस-राष्ट्रवादीला एमआयएम नको असेल तर आपण वंचित बहुजन आघाडीतून बाहेर पडायला तयार आहोत', असं एमआयएमचे खासदार असदुद्दीन ओवेसी यांनी म्हटलं आहे. 'प्रकाश आंबेडकरांना काँग्रेस-राष्ट्रवादीनं हव्या तितक्या जागा द्याव्यात, आपण एकही जागा लढवणार', नसल्याचंही त्यांनी स्पष्ट केले आहे. ओवसींच्या या भूमिकेचं प्रकाश आंबेडकर यांनीही स्वागत केलं आहे.

'काँग्रेस-राष्ट्रवादीला एमआयएम नको असेल तर मी बाहेर पडायला तयार आहे. तुम्ही प्रकाश आंबेडकर यांच्याशी बोला, त्यांना हव्या तितक्या जागा द्या, मी एक ही जागा लढवणार नाही आणि यापुढे वंचित बहुजन आघाडीच्या व्यासपीठावर पण येणार नाही', अशी घोषणाच ओवेसींनी केली.

Special Report : बाळासाहेब नावाचा झंझावात; काही गाजलेली भाषणं...

First published: January 24, 2019, 9:07 AM IST

ताज्या बातम्या

corona virus btn
corona virus btn
Loading