भारत-चीन वादाचा फायदा घेण्याचा पाकिस्तानचा कट, दहशतवाद्यांना घातक शस्त्रांचा पुरवठा

भारत-चीन वादाचा फायदा घेण्याचा पाकिस्तानचा कट, दहशतवाद्यांना घातक शस्त्रांचा पुरवठा

पाकिस्तानी सैन्य दहशतवाद्यांना घुसखोरीद्वारे प्राणघातक शस्त्रे पाठवत असल्याची भीती व्यक्त केली जात आहे.

  • Share this:

नवी दिल्ली, 29 मे : लडाखमधील चायना आर्मी सोबतच्या वादाच्या पार्श्वभूमीवर कश्मीरमधील पाकिस्तान पुरस्कृत दहशतवादी घटनांमध्ये वाढ होण्याची शक्यता आहे. चीनच्या वतीने दाखवलेल्या आक्रमकतेचा फायदा पाकिस्तान घेण्याचा प्रयत्न करेल, असा अंदाज गुप्तचर यंत्रणांचा आहे. चीन पाकिस्ताच्या कारवाईला बळदेखील देण्याची शक्यता आहे. त्यामुळे सर्व सुरक्षा दलांना सतर्क करण्यात आले आहे. चीन अनेक आघाड्यांकडे लक्ष वळवण्याचा प्रयत्न करू शकेल, असे सूत्रांनी सांगितले.

या उद्देशाने काश्मीरमध्ये अस्थिरता निर्माण करण्याचा पाकिस्तानच्या प्रयत्नाला गती देण्याची शक्यता व्यक्त केल्या जात आहे. पाकिस्तान लष्कर आणि आयएसआय आधीच संधीच्या प्रतीक्षेत आहेत. अलीकडेच दहशतवादी घटनेदरम्यान चिनी शस्त्रेही त्या भागात सापडली होती. तथापि, अद्याप चीनकडून शस्त्रास्त्रांचा पुरवठा झाल्याची पुष्टी झालेली नाही. पाकिस्तानी सैन्य दहशतवाद्यांना घुसखोरीद्वारे प्राणघातक शस्त्रे पाठवत असल्याची भीती व्यक्त केली जात आहे.

सुरक्षा यंत्रणांना दोन स्तरांवर सतर्क करण्यात आल्याचे सूत्रांनी सांगितले. सीमेवर पाकिस्तानच्या कोणत्याही संभाव्य कारवाईविषयी दक्ष राहण्याच्या सूचना देण्यात आल्या आहेत. त्याचबरोबर दहशतवादी कारवाया होण्याची शक्यता लक्षात घेऊन दरीमध्ये उच्च पातळीवर दक्षता ठेवली जात आहे. सूत्रांनी सांगितले की, वेढलेले चीन अनेक आघाड्यांवर भारतालला घेरण्याचे धोरण अवलंबत आहे. लडाख सीमेवर चिनी सैन्याच्या कारवाईशिवाय नेपाळला चिथावणी देण्याचा प्रयत्न केला गेला. पाक सीमेवरही सतत हालचाली सुरू आहेत.

सियाचीनच्या पश्चिमेस साल्तोरो किल्ला पाकिस्तानच्या ताब्यात असलेल्या गिलगिट बाल्टिस्तान आहे. याच्या पूर्वेस चीनने व्यापलेला अक्साई चिन परिसर आहे. दोन्ही देश लडाखमध्ये घुसखोरी करण्याचा प्रयत्न करतील आणि त्यांची सीमा वाढवतील अशी भीती सूत्रांना व्यक्त केली आहे . विशेष म्हणजे सियाचीन ग्लेशियरमध्ये मोर्चा काढून भारतीय सैन्य चीन आणि पाकिस्तानला एकत्र येण्याची परवानगी उपलब्ध होऊ देत नाही. अशा परिस्थितीत चीनने गॅलन व्हॅली ताब्यात घेतल्यास उत्तरेकडील भागामध्ये भारतीय सैन्यापर्यंत पोहोचणे कठीण होईल.

भारत प्रत्येक आघाडीवर सतर्क असल्याचे सूत्रांनी सांगितले. भारतीय सैन्य आणि सुरक्षा दलातील कोणताही कट उधळून लावण्यात सक्षम आहेत. चीनच्या गॅलवान व्हॅली आणि पाकिस्तान-नेपाळ सीमेवरील कट हे भारतीय गुप्तचर यंत्रणांच्या देखरेखीखाली आहेत. चिनी सैन्याच्या कटाच्या संदर्भात भारतीय एजन्सी इतर देशांच्या एजन्सीशी संपर्कात आहेत. उपग्रह प्रतिमा सामायिक केली जात आहे.

First published: May 29, 2020, 8:04 PM IST

ताज्या बातम्या

corona virus btn
corona virus btn
Loading