मुंबईत कोरोना रुग्णांची संख्या जाणाार लाखाच्या घरात? आरोग्य विभागाने आधीच केली व्यवस्था

मुंबईत कोरोना रुग्णांची संख्या जाणाार लाखाच्या घरात? आरोग्य विभागाने आधीच केली व्यवस्था

बीकेसी, वरळी एनएससीआय इथे व्यवस्था पूर्ण झाली असून नजिकच्या काळात गोरेगाव, मुलुंड, दहीसर, वरळी दुग्ध वसाहत इथेही लवकरच अशा प्रकारे कोरोना केअर सेंटर्स उभारली जातील.

  • Share this:

मुंबई, 15 मे : कोरोना रुग्णांच्या उपचारासाठी मुंबईत रुग्णांना खाटा उपलब्ध व्हाव्यात यासाठी प्रयत्न करण्यात येत आहेत. त्यासाठी एक लाखभर खाटांची व्यवस्था करण्यात येत असून बीकेसी, वरळी एनएससीआय इथे व्यवस्था पूर्ण झाली असून नजिकच्या काळात गोरेगाव, मुलुंड, दहीसर, वरळी दुग्ध वसाहत इथेही लवकरच अशा प्रकारे कोरोना केअर सेंटर्स उभारली जातील.

सोमवारपासून बीकेसी इथल्या कोव्हिड केअर सेंटरमध्ये रुग्णांना दाखल करण्याचं काम सुरू होईल. याच ठिकाणी एक हजार खाटांचं अतिदक्षता विभागदेखील सुरू केला जात असल्याचं आरोग्यमंत्री राजेश टोपे यांनी आज सांगितलं. दरम्यान, मुंबीतील खासगी रुग्णालयातील 60 टक्के खाटा कोरोनाच्या रुग्णांसाठी राखीव ठेवाव्यात यासंदर्भात मुख्यमंत्र्यांकडे प्रस्ताव सादर केल्याची माहिती आरोग्यमंत्र्यांनी दिली.

आरोग्यमंत्री राजेश टोपे यांच्या संवादातील महत्वाचे मुद्दे 

- आज ज्येष्ठ नेते खासदार शरद पवार यांच्या समवेत बीकेसी इथल्या कोरोना केअर सेंटरची पाहणी केली. यावेळी राज्याचे पर्यटन मंत्री आदित्य ठाकरे उपस्थित होते. मुंबई महापालिका आणि एमएमआरडीएचे अधिकारी दखील उपस्थित होते.

- वरळी इथल्या एनएससीआय डोम मध्ये 600 रुग्णांची व्यवस्था करण्यात आली आहे. त्याच्या लगत असलेल्या नेहरी प्लॅनेटोरीयम इथेही सुमारे 500 खाटांची व्यवस्था करण्यात येत आहे.

- गोरेगाव इथल्या सुविधा आठवडाभरात सुरू होईल. बीकेसी येथील कोरोना केअर सेंटर केवळ 20 दिवसांमध्ये तयार करण्यात आलं आहे. त्याममध्ये 1008 खाटांची सुविधा असून तिथे नव्याने 1000 खाटांचे अतिदक्षता विभाग देखील उभारले जात आहे.

- मुंबईत कोरोना केअर सेंटरचे एक आणि दोन अशा प्रकारात वर्गीकरण करण्यात आले. तिथे क्वारंटाईन आणि आयसोलेशनची व्यवस्था असेल. मुंबईत कोरोना केअर सेंटर 2 मध्ये सुमारे एक लाख आयसोलेशन खाटांची व्यवस्था करण्यात आली आहे.

- जुनपर्यंत रुग्ण दुपटीचा वेग पाहता अधिक काळजी घेण्यात आहे. मात्र ज्या गणितीय शास्त्रानुसार मुंबईत रुग्ण वाढीचा अंदाज वर्तविण्यात आला होता, तेवढ्या रुग्णांची वाढ झालेली नाही. लॉकडाऊनचा चांगला परिणाम झाल्याचे दिसून येते.

- मुंबईतील खासगी रुग्णालयातील सुमारे 75 टक्के खाटा वापरात नाही आहेत. अपघात, बाळंतपण, डायलेसीस, पक्षाघात, हृदयविकार या आजारांच्या रुग्णांना प्राधान्य देत उर्वरित खाटांमधील 60 टक्के खाटा कोरोनाच्या रुग्णांसाठी राखीव ठेवाव्यात, त्यासाठी खासगी रुग्णालयांना राज्य शासन, महापालिकांमार्फत त्यांचे देयके दिले जातील.अशा मागणीचा प्रस्ताव आज मुख्यमंत्री उद्धव ठाकरे यांच्या कडे सादर केला आहे. त्यावर येत्या एक दोन दिवसात निर्णय होऊ शकतो.

- राज्यभरातील आरोग्य विभागातील 17 हजार 337 रिक्त पदे आणि वैद्यकीय शिक्षण विभागातील 11 हजार पदे तसंच विविध महापालिकांमधील रिक्त पदे शंभर टक्के भरण्यास मान्यता मिळाली आहे. लॉकडाऊनच्या काळात ही पदे भरण्यासाठी विशेष कक्ष तयार करण्यात आला आहे. लॉकडाऊनमध्ये आरोग्य व्यवस्था बळकटीकरणावर विशेष भर दिला जात आहे.

संपादन - रेणुका धायबर

First published: May 15, 2020, 10:28 PM IST

ताज्या बातम्या

corona virus btn
corona virus btn
Loading