'छत पर सोया था बहनोई...' गाण्यावर नागीण डान्स... कोरोनाचे नियम मोडणाऱ्यांना दिलेल्या अजब शिक्षेचा Video Viral

दतिया(म.प्र), 23 मे : मध्य प्रदेशमध्ये (Madhya Pradesh) सध्या कोरोनाच्या (Corona) पार्श्वभूमीवर लॉकडाऊन (Lockdown) लावण्यात आला आहे. त्यामुळं लोकांना घराबाहेर पडण्यासही परवानही नाही. अत्यावश्यक काम असेल तरच बाहेर पडा, असं सांगण्यात आलं आहे. तरीही लोक काही केल्या ऐकत नसल्यानं पोलिस नियम मोडणाऱ्यांवर कारवाई करत आहेत. पण काही ठिकाणी पोलिस नियम मोडणाऱ्यांना वेगळ्या प्रकारच्या शिक्षा देत आहेत. मध्य प्रदेशच्या दतियामधूनही (Datiya) पोलिसांच्या कारवाईचा असाच गमतीशीर व्हिडिओ समोर आला आहे. पोलिसांनी इथं लग्नाहून येणाऱ्या काही वऱ्हाडींनी अशीच अजब शिक्षा दिली. या सर्वांना पोलिसांनी नागिण डान्स (Nagin Dance Punishment) करायला लावला. तो पाहून तुम्हालाही हसू आवरणार नाही. (वाचा-Video : पोलिसांनी बाईकचा हेडलाईट फोडला, मग संतप्त पत्नीने पोलिसांनाच घाम फोडला) दतियाच्या राजगड चौकामध्ये चेकींग पॉईंटवर पोलिसांनी काही जणांना अडवलं. त्यांना कुठे चालले आहात अशी विचारणा पोलिसांनी केली. त्यावर त्यांनी लग्नाला गेलो होतो आणि आता परत चाललो असल्याचं सांगितलं. त्यावर पोलिसांनी त्यांना तुम्हाला लग्नाला जाऊन वरातीत नाचायची फारच हौस दिसतेय, असं म्हटलं आणि कसा डान्स केला जरा नागिन डान्सकरून दाखवा असं म्हटलं. विशेष म्हणजे पोलिसांनी यासाठी जे गाणं लावलं त्यावर या सर्वांनी केलेला डान्स पाहून सर्वांना हसू फुटलं. छत पे सोया था बहनोई... या गाण्यावरचा हा नागीण डान्स त्यामुळं सोशल मीडियावरही व्हायरल झाला आहे.

#Datia- मध्यप्रदेश के दतिया में कोरोना कर्फ़्यू के दौरान बारातियों से पुलिस ने सजा के तौर पर कराया नागिन डांस#MadhyaPradesh #lockdown2021 #CoronaCurfew @MPPolice2 @MPPoliceOnline @MpPoliceOffici1 pic.twitter.com/OTDhyYe7GY

— VIPIN YADAV (Journalist) (@Vipinyadav2987) May 20, 2021

दुसरीकडं भिंडमध्येही पोलिस प्रशासनाच्या कठोर भूमिकेनंतरही लोक लग्नात गर्दी करत असल्याचं पाहायला मिळालं. भिंडच्या ऊमरी ठाण्याच्या परिसरात असा एक प्रकार पाहायला मिळालं. याठिकाणी वरातीत नाचणाऱ्यांना पोलिसांनी शिक्षा म्हणून बेडूक उड्या मारायला लाल्या. नवरदेव आणि मंडपवाल्याच्या विरोधात या प्रकरणी गुन्हादेखिल दाखल करण्यात आला आहे. (वाचा-Good News : भारतात तयार होतेय अधिक प्रभावी Corona Vaccine, 8 पट अधिक अँटिबॉडीज) याठिकाणी लग्नासाठी 500 लोकांना बोलावण्यात आलं होतं. पोलिस पोहोचले तेव्हा 200 हून अधिक लोक होते. तेव्हा पोलिसांना पाहून लोक पळू लागले तर पोलिसांनी घेराव घालत त्यांना पकडलं. वरातीत नाचणाऱ्यांना मैदानावर बेडूक उड्या मारण्याची शिक्षा दिली. विशेष म्हणजे हा कार्यक्रम शासकीय इमारतीमध्ये सुरू होता. त्याची परवानगी कोणी दिली याचा तपास घेतला जात आहे.