मध्य प्रदेशात झाली मंत्रिमंडळाची स्थापना, शिवराजसिंह चौहान सरकारमध्ये 5 मंत्र्यांनी घेतली शपथ

भोपाळ, 21 एप्रिल : मध्य प्रदेशात सरकार स्थापन झाल्यानंतर सुमारे महिनाभरानंतर शिवराजसिंह चौहान सरकारमध्ये मंत्रिमंडळ स्थापन करण्यात आलं आहे. मंगळवारी नरोत्तम मिश्रा, कमल पटेल, मीना सिंह, तुलसी सिलावत आणि गोविंदसिंग राजपूत यांनी मंत्रीपदाची शपथ घेतली. आतापर्यंत मुख्यमंत्री शिवराजसिंह चौहान हे राज्यातील सत्तेत एकटे होते. पण आज अखेर इतर मंत्र्यांनी मंत्रिपदाची शपथ घेतली आहे. दुपारी 12 वाजता राजभवनात झालेल्या शपथविधी सोहळ्यात 5 मंत्र्यांनी शपथ घेतली. राज्यपाल लालजी टंडन यांनी राजभवन इथे झालेल्या साध्या सोहळ्यात शिवराज कॅबिनेटच्या मंत्र्यांना शपथ दिली. कार्यक्रमादरम्यान कोरोनामुळे सामाजिक अंतर आणि इतर खबरदारीच्या उपायांची काळजी घेतली गेली होती. 3 मेनंतर असा असेल लॉकडाऊनचा एक्झिट प्लान, मोदी सरकारची Exclusive स्टोरी भारतीय जनता पक्षाचे (BJP) सरकार स्थापन झाल्यानंतर 23 मार्च रोजी राजभवनात शिवराजसिंह चौहान यांनी मुख्यमंत्रीपदाची शपथ घेतली होती. यासह, ते कोरोनामुळे उद्भवणार्‍या परिस्थितीशी सतत संघर्ष करीत आहेत. मंत्रिमंडळ स्थापनेचा सराव गेल्या एका आठवड्यापासून जोर धरत होता.

Madhya Pradesh: BJP leaders Narottam Mishra, Kamal Patel, Meena Singh, Tulsi Silawat and Govind Singh Rajput took oath as ministers, at the state cabinet expansion ceremony in Bhopal today. pic.twitter.com/RBEJk449Bk

— ANI (@ANI) April 21, 2020

डिसेंबर 2018 मध्ये झालेल्या विधानसभा निवडणुका 15 वर्षानंतर कॉंग्रेसची सत्ता आली, परंतु तत्कालीन मुख्यमंत्री कमलनाथ यांना एका महिन्यापूर्वी 20 मार्च रोजी कॉंग्रेसचे ज्येष्ठ नेते ज्योतिरादित्य सिंधिया आणि त्यांच्या समर्थक आमदारांच्या बंडखोरीमुळे राजीनामा द्यावा लागला होता. 'मी कोरोनाशी लढतोय अन् माझी मुलं भुकेशी', एका पित्याची थक्क करणारी कहाणी यानंतर 23 मार्च रोजी चौहान यांनी मुख्यमंत्रीपदाची शपथ घेतली. राज्य विधानसभेच्या 230 सभासदांची संख्या (जास्तीत जास्त 15 टक्के) गृहीत धरून, मंत्रिमंडळात मुख्यमंत्र्यांसह जास्तीत जास्त 35 सदस्य असू शकतात, ज्यामध्ये मुख्यमंत्र्यांचादेखील समावेश आहे. कोरोनाचा पहिला रुग्ण ते लॉकडाऊनपर्यंत या 7 देशांमध्ये सगळ्यात सुरक्षित भारत संपादन - रेणुका धायबर