Home /News /news /

कासिम सुलेमानीच्या अंत्ययात्रेत चेंगराचेंगरी, 35 लोकांचा मृत्यू तर 48 गंभीर जखमी

कासिम सुलेमानीच्या अंत्ययात्रेत चेंगराचेंगरी, 35 लोकांचा मृत्यू तर 48 गंभीर जखमी

तेहरान, कोम, मशहद आणि अहवाजमध्ये अनेक लोक रस्त्यावर अंत्ययात्रेसाठी आले होते.

    इरान, 07 जानेवारी : अमेरिकेच्या हल्ल्यात मारल्या गेलेल्या इराणी सैन्याचा जनरल कासिम सुलेमानीच्या अंत्ययात्रेदरम्यान चेंगराचेंगरी झाली आहे. ज्यामध्ये 35 लोक मरण पावले आहेत. तर सुमारे 48 लोक जखमी झाले आहेत. वृत्तसंस्था एपीने इराण स्टेट टीव्हीवरून ही माहिती दिली गेली आहे. इराणी माध्यमांच्या म्हणण्यानुसार, जनरल कासिम सुलेमानीला अंतिम निरोप देण्यासाठी त्याच्या अंत्ययात्रेच्या मिरवणुकीत सामील होण्यासाठी मोठ्या संख्येने लोक आले होते. क्रांतिकारक गार्डच्या परदेशी शाखेच्या कमांडरच्या जन्मगावी त्याला मोठ्या संख्येने लोक निरोप देण्यासाठी आले होते. तेहरान, कोम, मशहद आणि अहवाजमध्ये अनेक लोक रस्त्यावर अंत्ययात्रेसाठी आले होते. आझादी चौकात मोठ्या संख्येने लोक जमले जेथे राष्ट्रध्वजांनी लपेटलेले दोन ताबूत ठेवले होते. एक ताबूत सुलेमानीचे असून दुसरे त्याचे निकटवर्तीय ब्रिगेडियर जनरल हुसेन पुराजाफरी याचे आहे. दुपारी साडेचारच्या दरम्यान कब्रिस्तानमध्ये सुलेमानीच्या पार्थीवाला 'सुपर्द-ए-खाक' करण्यात येणार आहे. इराणचा टॉप कमांडर सुलेमानी आणि भारताचं 'असं' होतं कनेक्शन अमेरिकेच्या रॉकेट हल्ल्यात इराणच्या लष्कराचा प्रमुख मेजर जनरल कासिम सुलेमानी ठार झाला. त्यानंतर अमेरिका-इराण यांच्यात युद्धजन्य परिस्थिती निर्माण झाली आहे. दरम्यान, अमेरिकेचे राष्ट्राध्यक्ष डोनाल्ड ट्रम्प यांनी अप्रत्यक्षपणे सुलेमानीचा भारतात झालेल्या कारवायांमध्ये हात असल्याचा दावा शनिवारी केला होता. मात्र, त्यांच्या दाव्याच्या अगदी विरुद्ध सुलेमानींनी अनेकदा भारताची बाजू घेतल्याचं गुप्तचर संस्थांनी म्हटलं आहे. कूलभूषण जाधव प्रकरणी पाकिस्तान सरकारने जेव्हा इराणच्या सरकारवर आरोप केला होता. त्यात म्हटलं होतं की, पाकिस्तानविरुद्ध कारवाईसाठी भारताकडून इराणच्या भूमीचा वापर केला जात आहे. तेव्हा जनरल सुलेमानी यांनी पाकिस्तानचा आरोप फेटाळून लावला होता आणि कुलभूषण प्रकऱणी भारताला मदत केली होती. सुलेमानी यांची भारत-इराण यांच्यातील चाहाबार पोर्ट करारामध्येही महत्वाची भूमिका होती. सुलेमानी यांच्यावर हल्ल्यानंतर भारतात कारगिल आणि लखनऊ इथ शिया समुदायाने निषेध नोंदवला आहे. ट्रम्प यांनी दावा केला होता की, कासिम सुलेमानी यांनी नवी दिल्ली ते लंडनपर्यंत हल्ल्याचा कट रचला होता. सुलेमानींच्या कटानुसार ट्रम्प यांनी भारताचा थेट उल्लेख केला नाही. मात्र 2012 मध्ये दिल्लीत इस्रायलच्या संरक्षण दलातील अधिकाऱ्याच्या पत्नीवर झालेल्या हल्ल्याचा संबंध याच्याशी जोडला गेला. कारला मॅग्नेट लावून हा स्फोट घडवून आणण्यात आला होता. जनरल सुलेमानीच्या हत्येनंतर इराणने अमेरिकेला याचे परिणाम भोगावे लागतील असा इशारा दिला आहे. जनरल कासिम सुलेमानीला गुप्त कारवायांसाठी ओळखलं जात होतं. 2006 मधील इस्रायल हिजबुल्लाह युद्धात सुलेमानीने लेबनानमध्ये नेतृत्व केलं होतं. सिरियातील संघर्षातही इराणने हस्तक्षेप केला होता. यात जनरल सुलेमानीने महत्वाची भूमिका पार पाडली होती.
    Published by:Renuka Dhaybar
    First published:

    पुढील बातम्या