S M L

काश्मीर प्रश्नावर भारताशी चर्चेस तयार - इम्रान खान

काश्मीर प्रश्न हा लष्करी ताकदीने नाही तर चर्चेच्या माध्यमातूनच सुटू शकतो. त्यामुळे भारताची चर्चास तयार आहे.

Updated On: Jul 26, 2018 07:28 PM IST

काश्मीर प्रश्नावर भारताशी चर्चेस तयार - इम्रान खान

इस्लामाबाद,ता.26 जुलै : पाकिस्तानचे नियोजित पंतप्रधान इम्रान खान यांनी गुरूवारी पहिल्यांदाज पत्रकार परिषद घेऊन आपली भूमिका स्पष्ट केलं. काश्मीर प्रश्न हा लष्करी ताकदीने नाही तर चर्चेच्या माध्यमातूनच सुटू शकतो. त्यामुळे भारताची चर्चास तयार असल्याचं खान यांनी स्पष्ट केलं. हे स्पष्ट करत असतानाच काश्मीरात मानवाधिकाराचं उल्लंघन होत आहे अशी टीका करण्यास ते विसरलं नाही. भारतात सर्वाधिक ओळखल्या जाणाऱ्या लोकांमध्ये माझा समावेश होत असूनही तिथल्या माध्यमांनी मला व्हिलन बनवलं अशी टीका त्यांनी केली. पाकिस्तानला भारताशी सबंध सुधारायचे असून त्यातच दोनही देशांचे हित आहे असं त्यांनी सांगितलं आणि नया पाकिस्तानचा नाराही दिला.

भारताशी संबंध

भारताशी संबंध सुधारायचे आहेत आणि त्यातच दोन्ही देशांचं हित आहे. हे संबध सुधारण्यासाठी दोन्ही देशांमधला व्यापार वाढला पाहिजे. कोंडी फोडण्यासाठी भारताशी चर्चेस तयार आहे. दोन्ही देशांच्या संबंधात सुधारणा होण्यासाठी काश्मीर हा मुख्य अडसर आहे. काश्मीरात मानवाधिकाराचं उल्लंघन केलं जातं.

नवा पाकिस्तान

मला नवा पाकिस्तान घडवायचा आहे. गरीबी आणि भूकमुक्त असलेला तो पाकिस्तान असेल. कायदे आझम मोहम्मंद जीनांच्या स्वप्नांतला पाकिस्तान घडवायचा आहे. पाकिस्तानची ढासळणारी अर्थव्यस्था सावरण्याला माझं पहिलं प्राधान्य असेल. विदेशात राहणाऱ्या देशवासियांना मी मदतीचं आवाहन करणार आहे.

पंतप्रधानांच्या घरात राहणार नाही

भ्रष्टाचारमुक्त सुशासन देण्याचा माझा प्रयत्न असेल. सामान्य नागरिक असो की पंतप्रधान त्या सर्वांना सारखाच न्याय राहिलं. पाकिस्तानच्या पंतप्रधानांसाठी असलेल्या अलिशान निवासस्थानी मी राहणार नाही. एखाद्या साध्या घरात राहायला जाईल. देशभरात असलेल्या सर्व गव्हर्नर हाऊसेस बंद करून त्याचा चांगल्या कामासाठी उपयोग करण्यात येणार आहे.

चीन आणि अफगाणिस्तान

चीन आणि अफगाणिस्तानसोबतचे संबध आणखी मजबूत करायचे आहेत. चीनकडून पाकिस्तानला खूप गोष्टी शिकण्यासारख्या आहेत. चीनमध्ये एक तज्ञांची टीम पाठवून तिथल्या धोरणांचा अभ्यास करणार आहे. पाकिस्तानमधल्या निवडणूकीत गोंधळ झाल्याचे आरोप खोटे आहेत. आरोप करणाऱ्यांना सोबत घेऊन चौकशी करण्याची माझी तयार आहे.

 

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Jul 26, 2018 07:28 PM IST

लोकप्रिय बातम्या

Live TV

News18 Lokmat
close