श्रीनगर चेक पोस्टवर दहशतवादी हल्ला, 2 हल्लेखोरांचा खात्मा तर एक जवान शहीद

श्रीनगर चेक पोस्टवर दहशतवादी हल्ला, 2 हल्लेखोरांचा खात्मा तर एक जवान शहीद

श्रीनगरच्या लावेपोरा परिसराच्या पोरेम पोरा चेक पोस्टवर अचानक गोळीबाराचा आवाज ऐकू आला. त्यानंतर लवकरच सीआरपीएफच्या जवानांनी मोर्चा ताब्यात घेतला.

  • Share this:

श्रीनगर, 05 फेब्रुवारी : जम्मू-काश्मीरमधील (Jammu-Kashmir) श्रीनगरमधून मोठी बातमी समोर येत आहे. येथील परिमपोरा भागातील दहशतवादी आणि सुरक्षा दलांमध्ये मोठी चकमक झाली आहे. या चकमकीत एक सीआरपीएफ जवान शहीद झाला आहे. त्याच वेळी, दहशतवाद्यांच्या कारवाईला उत्तर देताना भारतीय सैनिकांनी 2 दहशतवाद्यांचा खात्मा केला आहे.

मिळालेल्या माहितीनुसार, श्रीनगरच्या लावेपोरा परिसराच्या पोरेम पोरा चेक पोस्टवर अचानक गोळीबाराचा आवाज ऐकू आला. त्यानंतर लवकरच सीआरपीएफच्या जवानांनी मोर्चा ताब्यात घेतला. या भागात आणखी काही दहशतवादी लपून बसू शकतात असे सांगितले जात आहे.

सीआरपीएफ जवळपास शोध मोहिम सुरू आहे. सुरक्षा दलाने एका दहशतवाद्याला जिवंत पकडले असून तो जखमी झाल्याचे सांगण्यात येत आहे. तर अद्यापही चकमक सुरू असल्याची माहिती सूत्रांकडून देण्यात आली आहे.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Feb 5, 2020 01:35 PM IST

ताज्या बातम्या