अमेरिकेत पोहोचलेल्या PM मोदींवर कौतुकाचा वर्षाव, असं नेमकं काय केलं पाहा VIDEO

अमेरिकेत पोहोचलेल्या PM मोदींवर कौतुकाचा वर्षाव, असं नेमकं काय केलं पाहा VIDEO

ह्यूस्टन विमानतळावर एक अशी घटना घडली की ते दृश्य पाहून लोकांकडून पंतप्रधान मोदींवर कौतुकाचा प्रचंड वर्षाव सुरू आहे.

  • Share this:

ह्यूस्टन, 22 सप्टेंबर : पंतप्रधान नरेंद्र मोदी (Narendra Modi) सात दिवस अमेरिकेच्या दौऱ्यावर आहेत. टेक्सासच्या ह्यूस्टन येथे होणाऱ्या 'हाउडी मोदी' (Howdy Modi) या कार्यक्रमावर सर्वाच्याच नजर आहेत. या कार्यक्रमासाठी पंतप्रधान नरेंद्र मोदी ह्यूस्टन येथे दाखल झाले आहेत. यावेळेस ह्यूस्टन विमानतळावर एक अशी घटना घडली की ते दृश्य पाहून लोकांकडून पंतप्रधान मोदींवर कौतुकाचा प्रचंड वर्षाव सुरू आहे. पंतप्रधान मोदींचं स्वच्छता प्रेम केवळ देशातच नाही तर परदेशातही सर्वश्रुत आहे. अमेरिकेच्या धरतीवरूनही मोदींनी स्वच्छता अभियानाचा संदेश लोकांपर्यंत पोहोचवण्याचं कार्य केलं आहे.

(वाचा : विक्रम लँडरशी संपर्क नाही, तरी चांद्रयान 2 संदर्भात आली ही चांगली बातमी)

विमानतळावर पंतप्रधान मोदींच्या  स्वागतासाठी व्यवसाय आणि आंतरराष्ट्रीय प्रकरणांचे संचालक क्रिस्तोफर ओल्सन, अमेरिकेचे राजदूत कॅनेथ जस्टर यांच्यासह अमेरिकेतील भारतीय राजदूत हर्षवर्धन श्रंगलादेखील उपस्थित होते. यादरम्यान उपस्थित असलेल्या एका महिला अधिकाऱ्यानं पंतप्रधान मोदींचं स्वागत करत त्यांना पुष्पगुच्छ भेट स्वरुपात दिला. यावेळेस फुलांच्या गुच्छ्यातील एक दांडी खाली जमिनीवर पडली. ही बाब जशी पंतप्रधानांच्या लक्षात आली तसं त्यांनी लगेचच स्वतः खाली वाकून ती उचलली आणि त्यांच्यासोबत असणाऱ्या सहकाऱ्याच्या हातात दिली.

(वाचा :निवडणूक तारखांची घोषणा, आयोगाची राजकीय पक्षांनी नवी सूचना)

पंतप्रधान मोदींचा हा व्हिडीओ सोशल मीडियावर प्रचंड व्हायरल झाला आहे. लोकांकडून त्यांच्यावर कौतुकांचा वर्षाव सुरू आहे. एका युजरनं पंतप्रधानांचं कौतुक करत लिहिलंय की,'भलेही दिसायला ही गोष्ट फार छोटी दिसत असेल, पण याच साधेपणानं त्यांना एक मोठा नेता बनवलं आहे.' यापूर्वीही अशा अनेक उदाहरणांमधून पंतप्रधान मोदींनी आपलं स्वच्छता प्रेम दाखवून दिलं आहे.

(वाचा :पंतप्रधान मोदींच्या राम मंदिरावरील 'त्या' विधानावरून उद्धव ठाकरेंचा पलटवार)

'हाउडी मोदी' कार्यक्रमाची जय्यत तयारी

दरम्यान,लोकसभा निवडणूक 2019 मध्ये दणदणीत यश मिळवल्यानंतर पंतप्रधान मोदींचा हा पहिलाच अमेरिका दौरा आहे. रविवारी रात्री (22 सप्टेंबर)टेक्सासच्या ह्युस्टनमध्ये 'हाउडी मोदी' (Howdy Modi) कार्यक्रमास ते संबोधित करणार आहेत. या पार्श्वभूमीवर कार्यक्रमाची जोरदार तयारी सुरू आहे. या दौऱ्यादरम्यान पंतप्रधान नरेंद्र मोदी अमेरिकेचे राष्ट्राध्यक्ष डोनाल्ड ट्रम्प यांची भेट घेणार आहेत. ह्युस्टनच्या NRG स्टेडिअममध्ये 'टेक्सास इंडिया फोरम'तर्फे या कार्यक्रमाचं आयोजन करण्यात येत आहे. या कार्यक्रमात पंतप्रधान मोदी 50 हजारहून अधिक लोकांना संबोधित करणार आहेत. महत्त्वाचे म्हणजे यावेळेस अमेरिकेचे राष्ट्राध्यक्ष डोनाल्ड ट्रम्पदेखील कार्यक्रमास उपस्थित राहणार आहेत.

VIDEO: 'लफडी केली तर सहन करा'; सोडून गेलेल्या नेत्यांची पवारांनी घेतली फिरकी

First published: September 22, 2019, 12:32 PM IST

ताज्या बातम्या

corona virus btn
corona virus btn
Loading