धक्कादायक! फेसबुक, इंस्टाग्राम आणि व्हॉट्सअप बंद पडण्यामागे 'थॉमस'चा हात; पण हा थॉमस आहे तरी कोण? वाचा

मुंबई, 05 ऑक्टोबर: काल म्हणजेच 4 ऑक्टोबर 2021 रात्रीपासून तर  5 ऑक्टोबर 2021 च्या पहाटे चार वाजेपर्यंत संपूर्ण जगात फेसबुक (Facebook), इंस्टाग्राम (Instagram) आणि व्हॉट्सअप (WhatsApp) अचानक पूर्णपणे ठप्प (Facebook Outage) झालं. जगभरातील यूजर्सचे मेसेज, कॉल्स, इतकंच काय तर ऑफिसचं कामसुद्धा ठप्प झालं. एकमेकांशी संवाद साधणं कठीण झालं. काही तज्ज्ञांच्या मते असं इतिहासात पहिल्यांदाच घडलं ज्यामध्ये सोशल मीडियावरील काही महत्त्वाच्या आणि कोट्यवधी यूजर्स असलेल्या अप्लिकेशन्स इतका वेळ बंद (Facebook social media shutdown) होत्या. या सर्व फेसबुकच्या मालकीच्या अप्लिकेशन्स बंद होण्यामागे अनेक कारणं (Reason behind Facebook outage) सांगितली जात आहेत. पण आता यामध्ये एक धक्कादायक कारण समोर आलं आहे. 'थॉमस' मुळे संपूर्ण जगाला आणि कंपनीला या आउटेजचा सामना करावा लागला आहे.

आता तुम्हाला प्रश्न पडला असेल हा थॉमस नक्की आहे तरी कोण? खरं म्हणजे थॉमस हा अमेरिकेतील एक मोठा हॅकर (Hacker) आहे. त्यानं या आधी अनेकमोठमोठ्या सिस्टम हॅक केल्या आहेत. त्याच्या नावावर अनेक सायबर गुन्हे (Thomas Cyber criminal) दाखल आहेत. अमेरिकन गुप्तचर यंत्रणा FBI नं ही माहिती दिली आहे. लवकरच FBI थॉमसला (Who hacked Facebook?) ताब्यात घेणार आहे. यासंबंधीची संपूर्ण जबाबदारी FBI अधिकारी जॉन मैकक्लेन यांच्यावर सोपवण्यात आली आहे.

फेसबुक, इंस्टाग्राम आणि व्हॉट्सअप बंद पडल्यामुळे अनेक लोकांना मेसेज पाठवण्यासाठी अडचणी येत होत्या तर काही लोकांचं लॉगीन होऊ शकतं नव्हतं. कित्येक लोकांना अप्लिकेशनची किंवा फोची एरर असेल असा अंदाज लावून अप्लिकेशन्स Uninstall केल्या. याचा फटका कंपनीला बसला. अनेक कंपन्यांचं काम या अप्लिकेशन्समुले चालतं त्यामुळे अशा कंपन्यांना वेळेचं आणि आर्थिक नुकसान सहन करावं लागलं.

हे वाचा - Facebook-WhatsApp Outage: 6 तास का बंद होतं फेसबुक, इन्स्टाग्राम; समोर आलं कारण

"आमच्यावर जगभरातील लोक आणि व्यवसायांच्या विशाल समुदाय अवलंबून आहे. आम्ही त्यांची माफी मागतो. या आउटेज मुळे यूजर्सच्या डेटाचं कुठलंही नुकसान झालेलं नाही. आम्हाला कळवण्यात आनंद होत आहे की या सेवा आता पुन्हा ऑनलाइन झाल्या आहेत." असं फेसबुकनं आपल्या स्पष्टीकरणात म्हंटलं आहे. मंत्र्यांमध्ये कंपनीचं प्रचंड नुकसान झालं आहे.

काही तासांत झुकरबर्गचं इतकं नुकसान

Facebook चे सर्वेसर्वा मार्क झुकेरबर्ग (Mark Zuckerberg) यांची वैयक्तिक संपत्ती काही तासांत सुमारे 7 अब्ज डॉलर्सने कमी झाली आहे. भारतीय रुपयानुसार ही किंमत 5,21,90,70,50,000 रुपये इतकी होते. त्यामुळे जगातील सर्वात श्रीमंत व्यक्तींच्या यादीत त्यांच्या नंबर घसरला आहे. सोमवारी WhatsApp, Facebook, Instagram हे फेसबुक संकलित सोशल मीडिया Apps तब्बल 7 तास बंद झाल्याने हा मोठा फटका बसला. फेसबुक संकलित सोशल मीडिया Apps तब्बल 7 तास बंद झाल्याने फेसबुकचा स्टॉक 5 टक्क्यांनी घसरला आणि सप्टेंबरच्या मध्यापासून आतापर्यंत सुमारे 15 टक्के कमी आली. सोमवारी स्टॉक स्लाइडनुसार, झुकेरबर्ग यांची संपत्ती 120.9 बिलियनपर्यंत खाली आली आणि ते बिल गेट्स यांच्या खाली 5व्या क्रमांकावर आले. 13 सप्टेंबरपासून त्यांनी जवळपास 19 अब्ज संपत्ती गमावली आहे, ज्याची किंमत सुमारे 140 बिलियन डॉलर्स होती