छगन भुजबळ आजच येणार जेल बाहेर ?

छगन भुजबळ आजच येणार जेल बाहेर ?

राष्ट्रवादीचे ज्येष्ठ नेते आणि माजी उपमुख्यमंत्री छगन भुजबळ यांना मुंबई उच्च न्यायालयाने जामीन मंजूर केला. भ्रष्टाचाराच्या आरोपांवरून भुजबळांना दोन वर्षांपूर्वी अटक करण्यात आली होती.

  • Share this:

मुंबई,ता.04 मे : राष्ट्रवादीचे ज्येष्ठ नेते आणि माजी उपमुख्यमंत्री छगन भुजबळ यांना मुंबई उच्च न्यायालयाने जामीन मंजूर केला. भ्रष्टाचाराच्या आरोपांवरून भुजबळांना दोन वर्षांपूर्वी अटक करण्यात आली होती. त्यानंतर त्यांनी 9 वेळी जामीनासाठी न्यायालयाचे दरवाजे ठोठावले होते मात्र त्यांना यश येत नव्हतं.

शेवटी आज त्यांना जामीन मिळाल्यानं मोठा दिलासा मिळाला आहे. 5 लाखांच्या जात मुचलक्यावर न्यायालयानं त्यांना जामीन दिला आहे. सर्व प्रक्रिया पूर्ण झाली तर सूर्यास्ताच्या आधी छगन भुजबळ जेल बाहेर येतील असं त्यांच्या वकिलांनी सांगितलं.

मुंबई उच्च न्यायालयात न्यायमूर्ती देशमुख यांच्या खंडपीठासमोर गुरूवारी दिर्घकाळ जामीनावर सुनावणी झाली. भुजबळांचे वकील सुजय काटावाला यांनी जोरदार युक्तीवाद करत जामीनाची मागणी केली. भुजबळांनी चौकशीत पूर्ण सहकार्य केलं असून यापुढही सहकार्य करतील असं आश्वासन त्यांनी न्यायालयाला दिलं. छगन भुजबळ यांची प्रकृती ठिक नसल्याचं कारण त्यांनी दिलं.

  • महाराष्ट्र सदन आणि अनेक भ्रष्टाचारांच्या अनेक आरोपांमध्ये मार्च २०१६ पासून अटकेत
  • नवीन महाराष्ट्र सदन, इंडिया बुल्स आणि विविध प्रकरणांत सक्तवसुली महासंचालनालयाने (ईडी) १४ मार्च २०१६ ला भुजबळांना अटक
  • छगन भुजबळांसह त्यांचा मुलगा पंकज आणि समीर यांच्यासह १४ जणांवर आरोपपत्र दाखल करण्यात आले होते.
  • कालिना भूखंड घोटाळाप्रकरणी त्यांना जामीन मिळाला होता, मात्र आर्थिक अफरातफरीप्रकरणी जामीन मिळाला नव्हता.

First published: May 4, 2018, 3:27 PM IST

ताज्या बातम्या