19 जानेवारी : मध्य इटलीमध्ये झालेल्या हिमप्रपातामुळे 30 जण बेपत्ता झाल्याची घटना घडलीय. मध्य इटलीमधल्या हॉटेल रिगोपियानोच्या वरच्या बाजूला हिमकडे कोसळले. हॉटेल रिगोपियानो बर्फाच्छादित प्रदेशात आहे. हिमकडे कोसळल्यामुळे तीन मजली हॉटेलवर पूर्णपणे बर्फाचे ढिगारे जमले. याठिकाणी अजूनही बचावकार्य सुरू आहे. इटलीमध्ये भूकंपामुळे हा हिमप्रपात झाल्याचा अंदाज आहे.
मध्य इटलीमध्ये सुरू असलेल्या बचावकार्यात बर्फाच्या ढिगाऱ्याखालून एक मृतदेह बाहेर काढण्यात आला तर दोन जणांना जिवंत बाहेर काढण्यात आलं. पण या नैसर्गिक आपत्तीत अनेक जण मृत्युमुखी पडल्याची भीती आहे. मृतांमध्ये लहान मुलांचाही समावेश आहे. इटलीमधल्या या डोंगराळ भागाला भूकंपाचे चार तीव्र धक्के बसले. यामुळेच हा हिमप्रपात झाला.
बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा Follow @ibnlokmattv
बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा
