अशी आहे काँग्रेसच्या पूर्ण 118 उमेदवारांची यादी

25 सप्टेंबर :   आघाडीच्या जागावाटपाचा घोळ मिटलेला नसतानाच काँग्रेसने उमेदवारांची पहिली यादी जाहीर करत राष्ट्रवादीवर दबाव वाढवण्याचा प्रयत्न केला आहे. काँग्रेसने नेहमीप्रमाणे रात्री उशिरा 118 उमेदवारांची पहिली यादी जाहीर केली. काल जाहीर करण्यात आलेल्या यादीत नारायण राणे यांना कुडाळ आणि पतंगराव कदम यांना पलूस-कडेगाव मतदारसंघातून उमेदवारी जाहीर केली. विशेषमध्ये दक्षिण कराडमधून सलग सातवेळा विधानसभेवर निवडून आलेल्या विलासकाका उंडाळकर पाटलांचा पत्ता कापत त्यांच्या जागी मुख्यमंत्री पृथ्वीराज चव्हाण यांना तिकीट देण्यात आलं आहे. त्याशिवाय या यादीत 9 महिलांचा समावेश आहे तर चार विद्यमान आमदारांचं तिकीट कापण्यात आलं आहे.

यामध्ये राष्ट्रवादीने अदलाबदलीसाठी दावा केलेल्या नवापूर आणि मालेगावच्या जागांचा समावेश आहे. नवापूरचे समाजवादी पार्टीचे विद्यमान आमदार शरद गावित आणि मालेगावचे जनसुराज्यशक्तीचे विद्यमान आमदार मुफ्ती महंमद इस्माईल यांचा राष्ट्रवादीने अलिकडेच प्रवेश करून घेतला होता. पण काँग्रेसनं नवापूरमधून माजी मंत्री सुरूपसिंग नाईक तर मालेगाव मध्यमधून शेख आसीफ शेख रशीद यांना उमेदवारी दिलीय. त्यामुळे आघाडीत बिघाडी होण्याची चिन्ह दिसतं आहेत. या यादीत बहुतेक विद्यमान आमदारांना पुन्हा उमेदवारी देण्यात आलीय. तसेच ज्या सहयोगी अपक्षांनी काँग्रेसमध्ये प्रवेश केला त्यांनाही उमेदवारी देण्यात आली आहे. वयोमानामुळे शिरोळमधून सा.रे. पाटील आणि कुलाबामधून ऍनी शेखर यांची उमेदवारी नाकारली जाईल अशी चर्चा असताना देखील या दोघांनाही पुन्हा उमेदवारी देण्यात आली आहे. याशिवाय बुलडाणामधून हर्षवर्धन सपकाळ अकोटमधून महेश गणगणे, औरंगाबाद पश्चिममधून जितेंद्र देहाडे आणि अहमदनगर शहरमधून सत्यजीत तांबे या तरुण उमेदवारांना संधी देण्यात आलीय. तसेच जिंकून येण्याची खात्री असलेल्या काही विद्यमान आमदारांचे मतदारसंघ बदलण्यात आलेत.

• दक्षिण कराड – मुख्यमंत्री पृथ्वीराज चव्हाण
• कुडाळ – नारायण राणे
• अक्कलकुवा – ऍड. के. सी. पाडवी
• शहादा – पद्माकर वळवी
• नवापूर – सुरुपसिंग नाईक
• साखरी – धनाजी अहिरे
• सिंदखेडराजा – शामकांत सानेर
• शिरपूर – काशिराम पवार
• रावेर – शिरीष चौधरी
• जामनेर – जोत्स्ना विसपुते
• बुलडाणा – हर्षवर्धन सपकाळ
• चिखली – राहुल बोंडरे
• खामगाव – दिलीपकुमार सानंदा
• अकोट -महेश गांगणे
• बाळापूर – सय्यद खतीब
• रिसोड – अमित झनक
• धामणगाव रेल्वे – वीरेंद्र जगताप
• तिवसा – यशोमती ठाकूर
• मेळघाट – केवलराम काळे
• अचलपूर – अनिरुद्ध देशमुख
• आर्वी – अमर काळे
• देवळी – रणजीत कांबळे
• सावनेर – सुनील केदार
• नागपूर दक्षिण पश्चिम – प्रफुल्ल गुडदे
• नागपूर दक्षिण – सतीश चतुर्वेदी
• नागपूर पूर्व – अभिजीत वंजारी
• नागपूर मध्य – अनीस अहमद
• नागपूर पश्चिम – विकास ठाकरे
• नागपूर उत्तर – नितीन राऊत
• रामटेक – सुबोध मोहिते
• तुमसर – प्रमोद तित्तरमारे
• साकोली – सेवक वाघये
• गोंदिया -गोपालदास अग्रवाल
• आमगाव – रामरतनबापू राऊत
• आरमोरी – आनंदराव गेडाम
• गडचिरोली – सौगुणा ताळंदी
• राजुरा -सुभाष धोटे
• ब्रम्हपुरी – विजय वडेट्टीवार
• चिमूर -अविनाश वारजुरकर
• वणी – वामनराव कासावार
• राळेगाव – वसंत पुरके
• उमरखेड -विजयराव खडसे
• हादगाव – माधवराव पवार
• नांदेड उत्तर – बी.पी. सावंत
• नांदेड दक्षिण – ओमप्रकाश पोकर्णा
• देगलूर – रावसाहेब अंतापूरकर
• मुखेड – हनुमंतराव पाटील
• कळमनुरी -संतोष तारफे
• हिंगोली – भाऊराव पाटील
• जिंतूर – रामप्रसाद बोर्डिकर
• जालना – कैलास गोरंटियाल
• सिल्लोड – अब्दुल सत्तार अब्दुल नाबी
• फुलंब्री – कल्याण काळे
• औरंगाबाद पश्चिम – जितेंद्र देहाडे
• औरंगाबाद पूर्व – राजेंद्र दर्डा
• वैजापूर – दिनेश परदेशी
• मालेगाव मध्य – शेख आसीफ शेख रशीद
• नाशिक मध्य – शाहू खैरे
• इगतपुरी – निर्मला गावित
• पालघर – राजेंद्र गावित
• वसई -मायकल फुरताडो
• भिवंडी पश्चिम – शोएब खान
• ओवाळा माजीवडा – प्रतिभा पाटील
• ठाणे – नारायण पवार
• दहिसर – शीतल म्हात्रे
• मुलुंड – सप्रा सिंग
• जोगेश्वरी पूर्व – राजेश शर्मा
• दिंडोशी – राजहंस सिंह
• चारकोप -भारत पारेख
• मालाड पश्चिम – अस्लम शेख
• वर्सोवा – बलदेव खोसा
• अंधेरी पश्चिम -अशोक जाधव
• अंधेरी पूर्व – सुरेश शेट्टी
• विलेपार्ले – कृष्णा हेगडे
• चांदिवली – नसीम खान
• घाटकोपर पश्चिम – प्रवीण छेडा
• चेंबूर – चंद्रकांत हंडोरे
• कलिना – कृपाशंकर सिंह
• वांद्रे पश्चिम – बाबा सिद्दिकी
• धारावी – वर्षा गायकवाड
• सायन कोळीवाडा – जगन्नाथ शेट्टी
• वडाळा – कालिदास कोळंबकर
• भायखळा – मधुकर चव्हाण
• मलबारहिल – सुशीबेन शहा
• मुंबादेवी – अमिन पटेल
• कुलाबा – ऍनी शेखर
• उरण – महेंद्र घरत
• पेण – रवींद्र पाटील
• अलिबाग – मधुकर ठाकूर
• इंदापूर – हर्षवर्धन पाटील
• भोर – संग्राम थोपटे
• शिवाजीनगर -विनायक निम्हण
• पुणे कॅन्टॉनमेंट – रमेश बागवे
• कसबा पेठ – रोहित टिळक
• संगमनेर – बाळासाहेब थोरात
• शिर्डी – राधाकृष्ण विखे पाटील
• श्रीरामपूर – भाऊसाहेब कांबळे
• अहमदनगर शहर – सत्यजीत तांबे
• लातूर ग्रामीण – त्र्यंबक भीसे
• लातूर शहर – अमित देशमुख
• निलंगा – अशोक निलंगेकर
• औसा – बसवराज पाटील
• उमरगा – किसन कांबळे
• तुळजापूर – मधुकरराव चव्हाण
• सोलापूर शहर उत्तर – विश्वनाथ चकोटे
• सोलापूर शहर मध्य – प्रणिती शिंदे
• अक्कलकोट – सिद्धराम म्हेत्रे
• सोलापूर दक्षिण – दिलीप माने
• राजापूर – राजेंद्र देसाई
• कुडाळ – नारायण राणे
• कोल्हापूर दक्षिण – सतेज पाटील
• करवीर – पी.एन. पाटील
• कोल्हापूर उत्तर – सत्यजीत कदम
• हातकणंगले – जयंत आवळे
• इचलकरंजी – प्रकाश आवाडे
• शिरोळ – आप्पासाहेब उर्फ सा.रे. पाटील
• सांगली – मदन पाटील
• पलूस कडेगाव – पतंगराव कदम
• खानापूर – सदाशिवराव पाटील

Follow @ibnlokmattv