माझे पैसे घेऊन 'जेट'ला वाचवा- विजय मल्ल्या

जेट एअरवेजला वाचवण्यासाठी माझे पैसे घ्या असं आवाहन विजय माल्ल्यानं केला आहे.

News18 Lokmat | Updated On: Mar 26, 2019 11:51 AM IST

माझे पैसे घेऊन 'जेट'ला वाचवा- विजय मल्ल्या

लंडन, 26 मार्च : भारतीय बँकांना 9 हजार कोटींचा चुना लावून परदेशी पळालेल्या विजय माल्ल्यानं आता जेट एअरवेजला वाचवण्यासाठी पुढाकार घेतला आहे. जेट एअरवेजला वाचवण्यासाठी आता हवे तर माझे पैसे घ्या, पण जेट एअरवेजला वाचवा असं आवाहन विजय माल्ल्यानं केलं आहे. पीएयू बँकेनं उचललेल्या पावलाबद्दल देखील मी समाधानी असल्याचं विजय माल्ल्यान म्हटलं आहे. शिवाय, युपीए आणि एनडीए सरकारमध्ये फरक काय? असा सवाल देखील यावेळी विजय माल्ल्यानं केला आहे. ट्विटवरून विजय माल्ल्यानं त्याचं म्हणणं मांडलं आहे.



Loading...






गोयल यांचा राजीनामा

देशातील दुसऱ्या क्रमांकाची विमान कंपनी असलेली ‘जेट एअरवेज’ कंपनी आर्थिक संकटात सापडली आहे. दरम्यान, जेट एअरवेजचे चेअरमन नरेश गोयल यांनी आपल्या पदाचा राजीनामा दिला. शिवाय, त्यांच्या पत्नी अनिता गोयल यांनी देखील बोर्ड सदस्यपदाचा राजीनामा दिला आहे. थकलेल्या पगाराच्या निषेधार्थ जेटच्या वैमानिकांनी 1 एप्रिलपासून संपावर जाण्याचा इशारा दिला आहे. दरम्यान, सरकारनं देखील या साऱ्या प्रकरणामध्ये लक्ष घातलं असून कंपनीला कर्जबाजारी न होऊ देण्यासाठी बँकांना देखील आदेश देण्यात आले आहेत. सध्या कंपनीवर 1 अब्ज रूपयांपेक्षा देखील जास्त कर्ज आहे. तर, कंपनीच्या ताफ्यातील केवळ 41 विमानांची उड्डाणं सध्या सुरू आहेत. इतर कंपन्यांशी स्पर्धा, घसरता रूपया आणि इंधानाचे वाढते दर यामुळे कंपनीला आता अनेक उड्डाणे रद्द करावी लागत आहेत.


SPECIAL REPORT: बोलण्याच्या नादात पातळी सोडताहे 'वाचाळवीर'

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Mar 26, 2019 10:50 AM IST
Loading...

ताज्या बातम्या

Loading...