अमित शाह यांची पुन्हा कोरोना टेस्ट झाली? केंद्रीय गृहमंत्रालयानं केला खुलासा

नवी दिल्ली, 09 ऑगस्ट :केंद्रीय गृहमंत्री अमित शाह यांची कोरोना टेस्ट निगेटिव्ह आल्याचं वृत्त केंद्रीय गृहमंत्रालयानं फेटाळं आहे. केंद्रीय गृहमंत्री अमित शाह यांची अद्याप कोरोना टेस्ट घेण्यात आली नाही असं केंद्रीय गृहमंत्र्यालयाच्या अधिकाऱ्यांनी सांगितलं आहे.

दिल्लीचे भाजप खासदार मनोज तिवारी यांनी केलेल्या ट्विटनंतर गृह मंत्रालयाच्या अधिकाऱ्यांनी हे स्पष्टीकरण दिलं आहे. मनोज तिवारी यांनी अमित शाह यांचा रिपोर्ट निगेटिव्ह आल्याचं ट्वीट केलं होतं. काही वेळानं मनोज तिवारी यांनी हे ट्वीट हटवलं आहे. अशी माहिती केंद्रीय गृहमंत्रालयाकडून देण्यात आली आहे.

2 ऑगस्टला अमित शाह यांना कोरोना व्हायरसची साधारण लक्षण असल्याचं लक्षात आलं आणि त्यांनी रुग्णालयात दाखल झाले. त्यांची कोरोना टेस्ट पॉझिटिव्ह आल्यानं उपचार सुरू आहेत. गुरुग्राम इथल्या मेदांत रुग्णालयात त्यांच्यावर कोरोनावर उपचार सुरू आहेत. डॉ. सुशीला कटारिया यांच्या टीमने केंद्रीय गृहमंत्री अमित शाह यांची काळजी घेतली असून त्यांच्यावर उपचार सुरू आहेत.

#COVID19 test of Home Minister Amit Shah has not been conducted so far: Ministry of Home Affairs (MHA) Official https://t.co/8UaeUtNgBp

— ANI (@ANI) August 9, 2020

गृह मंत्री अमित शाह का कोरोना वायरस टेस्ट अब तक नहीं कराया गया है: गृह मंत्रालय के अधिकारी #COVID19 https://t.co/AZifPw2Ux3

— ANI_HindiNews (@AHindinews) August 9, 2020

हे वाचा-कोरोनापेक्षा भयंकर अशा ब्यूबॉनिक प्लेगनं घेतला दुसरा बळी, चीनमध्ये हाय अलर्ट

भाजप सरकारमधील दोन मंत्र्यांचे रिपोर्ट कोरोना पॉझिटिव्ह आल्याची माहिती मिळाली आहे. त्यातील एक मंत्री उत्तर प्रदेशमधल्या योगी आदित्यनाथ यांच्या सरकारमधील आहेत.

भारतात काय आहे कोरोनाची सध्य स्थिती

केंद्रीय आरोग्य मंत्रालयानं दिलेल्या माहितीनुसार 24 तासात 64 हजार 399 नवीन रुग्णांची नोंद करण्यात आली आहे. ऑगस्ट महिन्याच्या सुरुवातीपासून जवळपास 52 ते 62 नवीन रुग्ण वाढल्याची नोंद करण्यात आली आहे.आता 24 तासांत तब्बल 64 हजारहून अधिक रुग्णांची नोंद करण्यात आली आहे.