आरबीआयचं पतधोरण जाहीर, रेपो दरात पाव टक्क्यांनी वाढ, कर्ज महागलं

आरबीआयचं पतधोरण जाहीर, रेपो दरात पाव टक्क्यांनी वाढ, कर्ज महागलं

भारतीय रिझर्व्ह बँकेने (आरबीआय) चार वर्षांनंतर प्रथमच व्याजदर 0.25 टक्के वाढविण्याचा निर्णय घेतला आहे.

  • Share this:

मुंबई, ता. 06 जून : भारतीय रिझर्व्ह बँकेने (आरबीआय) चार वर्षांनंतर प्रथमच व्याजदर 0.25 टक्के वाढविण्याचा निर्णय घेतला आहे. रिझर्व्ह बँकेने रेपो दर 0.25 टक्क्यांनी वाढवून 6.25 टक्के केला आहे. त्यामुळे सर्वसामान्यांचा ईएमआयचा हफ्ता जास्त भरावा लागणार आहे. बँकेच्या या निर्णयाचा मोठा फटका कर्ज घेणाऱ्या सर्वसामान्यांवर होणार आहे.

रिव्हर्स रेपो दर 4 टक्क्यांनी 6 टक्क्यांनी वाढवण्यात आला आहे. हा निर्णय सर्वसामान्यांना मोठा धक्का बसवणार आहे. रेपो रेट वाढवल्यामुळे आता गृह आणि कारच्या कर्जावरील ईएमआयमध्ये वाढ होऊ शकते. रिझर्व्ह बँकेने जानेवारी 2014 नंतर प्रथमच रेपो दरात ही वाढ केली आहे.

रेपो रेट म्हणजे काय?

दररोजच्या व्यवहारांसाठी बँकांना मोठ्या रकमेची गरज असते. ही गरज पूर्ण करण्यासाठी भारतीय रिझर्व्ह बँक देशातल्या बँकांना अल्प मुदतीचं कर्ज देते. हे अल्प मुदतीच्या कर्जावर जो व्याजदर आकारला जातो त्याला रेपो रेट म्हणतात. रिझर्व्ह बँकेकडून कमी व्याजदराने कर्ज मिळत असेल तर बँका आपल्या ग्राहकांना कमी व्याजदराने कर्ज देतात. रिझर्व्ह बँकेने व्याजदर वाढवले की बँकाही आपल्या कर्जांचे दर वाढतात.

रिव्हर्स रेपो रेट म्हणजे काय?

बरेचदा दिवसभर व्यवहार करूनही बँकांकडे मोठी रक्कम शिल्लक राहते. ही रक्कम बँका अल्प मुदतीसाठी रिझर्व्ह बँकेकडे जमा करतात. त्या रकमेवर रिझर्व्ह बँक ज्या दराने व्याज देते त्या दराला रिव्हर्स रेपो रेट म्हणतात.

वास्तविक पाहता रिव्हर्स रेपो रेट हा बाजारातली पैशांची तरलता म्हणजे लिक्विडिटी नियंत्रित करण्याचं काम करतो. जेव्हा बाजारात जास्त लिव्हिडिटी असते तेव्हा रिझर्व्ह बँका रिव्हर्स रेपो रेट वाढवते, त्यामुळे जास्तीत जास्त व्याज मिळवण्यासाठी बँका स्वत:च्या रकमा रिझर्व्ह बँकेकडे जमा करतात. परिणामी बाजारातल्या पैशांची तरलता कमी होते.

First published: June 6, 2018, 3:54 PM IST

ताज्या बातम्या

corona virus btn
corona virus btn
Loading