भक्तांना कधी घेता येणार अयोध्येतील राम लल्लाचं दर्शन? ट्रस्टच्या महासचिवांनी दिली मोठी अपडेट

नवी दिल्ली, 17 एप्रिल : उत्तर प्रदेशातील अयोध्येत राम मंदिर (Ayodya Ram Mandir) उभारणीचे काम जोरात सुरू आहे. या भव्य मंदिरात राम लल्लाचे दर्शन (Ram Lalla Darshan) कधी होणार याची भाविक आतुरतेने वाट पाहत आहेत. तर 2024मध्ये मकर संक्रांतीच्या दिवशी राम मंदिराचे उद्घाटन होण्याची शक्यता आहे. दिल्लीतील राम जन्मभूमी मंदिर तीर्थ क्षेत्र ट्रस्टचे सरचिटणीस चंपत राय यांनी शनिवारी ही माहिती दिली. मंदिराचे बांधकाम 30 टक्के पूर्ण झाल्याचे सांगण्यात येत आहे.

संक्रातीला राम लल्लाचे दर्शन होणार -

दिल्लीत आयोजित अयोध्या उत्सवाच्या कार्यक्रमादरम्यान चंपत राय म्हणाले, 'मी यापूर्वी सांगितले होते की 2023 च्या अखेरीस रामजन्मभूमी मंदिराचे उद्घाटन होईल. मात्र, सूर्य दक्षिणायनमध्ये असल्याने त्याच्या तारखा निश्चित झालेल्या नाहीत. त्यामुळे मकर संक्रांतीच्या दिवशी, जेव्हा सूर्य उत्तरायणात प्रवेश करेल तेव्हा भव्य मंदिराचे उद्घाटन करण्याचे आमचे ध्येय आहे. हा अत्यंत शुभ मुहूर्त मानला जातो. तांत्रिकदृष्ट्या, 14 जानेवारीपूर्वीचा कोणताही दिवस हा मागील वर्षाचा शेवटचा दिवस असतो.