राफेल: जेटलींच्या भाषणाचा हवाला देत राहुल गांधींनी उलटवला सरकारवर डाव!

नवी दिल्ली 2 जानेवारी : राफेल प्रकरणावरून काँग्रेसचे अध्यक्ष राहुल गांधी यांनी सरकारला भंडावून सोडलंय. बुधवारी लोकसभेत झालेल्या चर्चेतही त्यांनी सरकारवर जोरदार हल्लाबोल केला. पंतप्रधान नरेंद्र मोदी यांच्या हेतूवरच त्यांनी शंका उपस्थितीत केली आणि जेपीसी मार्फेत चौकशीची मागणी केली. या चर्चेनंतरही ते शांत झालेले नाहीत. जेटलींच्या भाषणाचा हवाला देत राहुल गांधींनी सरकारवरच डाव उलटवण्याचा प्रयत्न केला.

चर्चेनंतर राहुल यांनी पत्रकार परिषद घेऊन पुन्हा सरकारवर आरोपांची सरबत्ती केली. किंमत सांगणार नाही असं म्हणत असतानाच अरुण जेटलींनी स्वत:च किंमत सांगितली की या आधी 526 कोटींच असलेलं विमान 1600 कोटींना घेतलं गेलं. ही किंमत का वाढविली याचं उत्तर सरकारने दिलं पाहिजे.

मनोहर पर्रिकर पंतप्रधान नरेंद्र मोदींना ब्लॅकमेल करत असून त्यांच्याकडे असलेल्या फाईल्समध्ये काय दडलं आहे हे जगाला कळलच पाहिजे. पंतप्रधान सर्वभ्रष्टाचारामध्ये सामील आहेत. चौकिदारच चोर आहे. आमचं सरकार आलं तर सर्व प्रकरणाची चौकशी करू. ही खरेदी करताना सर्व नियमांची पायमल्ली करण्यात आली.

पंतप्रधान कुठल्या जगात वावरत आहे ते त्यांना कळतं का? लोक त्यांना प्रश्न विचारत आहेत. संरक्षण मंत्रालयाच्या आक्षेपानंतरही का खेरेदी करण्यात आली. या प्रश्नाचं उत्तर सरकारने दिलं पाहिजे.

लोकसभेतल्या चर्चेत काय म्हणाले राहुल?

• राफेल प्रकरणावर सर्व देश पंतप्रधानांच्या भूमीकेवर संशय व्यक्त करतोय. त्यांनी एकाही प्रश्नाचं योग्य उत्तर दिलं नाही.
• पंतप्रधानांनी सर्वांसमोर येवून बोलण्याची हिंम्मत दाखवावी.
• राफेलचा जुना करार बदलून नवा करार का करण्यात आला?
• फक्त 36 विमानेच खरेदी करण्याचा करार का करण्यात आला?
• राफेलच्या किंमती का वाढविण्यात आल्या. काही कंपन्यांनाच का निवडलं या सर्व प्रश्नांची उत्तरं सरकारला द्यावी लागतील.

राहुल गांधींना जेटलींचं उत्तर

• या देशातल्या काही घराण्यांना फक्त पैशाचं गणित कळतं.
• काँग्रेसला देशाच्या सुरक्षेशी काहीही देणं घेणं नाही.
• कारगील युद्धाच्यावेळी देशाच्या लष्कराजवळ पुरेशी शस्त्र नव्हती.
• युपीए सरकाने देशाच्या सुरक्षेसोबत तडजोड केली.
• 15 वर्षांपूर्वी राफेलचा करार केला होता. पण काहीही झालं नाही.
• देशाला ही निर्णय प्रक्रिया परवडणारी नाही.
• बोफोर्स प्रकरणातही अनेक नावं आली होती. ती पुन्हा घ्यायची का?
• सुप्रीम कोर्टानं निर्णय दिल्यानंतरही काँग्रेस देशाचा वेळ घालवत आहे.
• नॅशनल हेरॉल्ड प्रकरणी आई आणि मुलगा जामीनावर आहेत. सार्वजिनिक संपत्तीचं त्यांनी खासगी संपत्तीत रुपांतर केलंय.
• भ्रष्टाचारावर बोलण्याचा काँग्रेसला काहीही अधिकार नाही.

VIDEO: अवघ्या 2 तासांत बदललं चित्र, राफेल ऑडिओ क्लिपवरून लोकसभेत काँग्रेस बॅकफूटवर