CM Bhagwant Mann Wedding : पन्नाशीच्या मुख्यमंत्र्यांचं दुसरं लग्न; कोण आहे त्यांची होणारी बायको?

चंदीगड, 06 जुलै : नुकताच पंजाबच्या मान सरकारचा कॅबिनेट विस्तार झाला. यानंतर आता मुख्यमंत्री भगवंत मान आपल्या संसाराची घडीही पुन्हा बसवण्याचा प्रयत्न करत आहे (CM Bhagwant Mann marriage). दोन तरुण मुलांचे वडील असलेले भगवंत मान वयाच्या पन्नाशीत दुसरं लग्न करत आहे. पहिल्या पत्नीसोबत घटस्फोट घेतल्यानंतर 6 वर्षांनी त्यांनी दुसरं लग्न करण्याचा निर्णय घेतला आहे. इतक्या वर्षांनंतर ते लग्न का करत आहेत? आणि त्यांची होणारी दुसरी बायको कोण आहे पाहुयात (CM Bhagwant Mann wife Gurpreet kaur). मुख्यमंत्री भगवंत मान यांचं लग्न उद्याच म्हणजे 7 जुलैला होणार असल्याची माहिती आहे. एएनआयच्या वृत्तानुसार चंदीगढमध्ये घरीच त्यांचा विवाहसोहळा होणार आहे. लग्नाला फक्त कुटुंबातील सदस्य सहभागी असतील. दिल्लीचे मुख्यमंत्री अरविंद केजरीवालही त्यांच्या लग्नाला उपस्थित राहणार आहे. हे वाचा - IAS अतहर आमीर खान यांनी उरकला साखरपुडा, कोण आहे त्यांची होणारी पत्नी? भगवंत मान यांचा 2015 साली घटस्फोट झाला आहे. पहिली पत्नी इंद्रप्रीत कौरपासून त्यांना दोन मुलंही आहे. 17 वर्षांचा मुलगा दिलशान मान आणि 21 वर्षांची मुलगी सीरत कौर. ही दोन्ही मुलं आणि त्यांची पहिली पत्नी अमेरिकेत राहतात. भगवंत यांच्या मुख्यमंत्री शपथविधी सोहळ्याला त्यांची दोन्ही मुलं आली होती.

Punjab CM Bhagwant Mann will get married in a close private ceremony at his house in Chandigarh tomorrow with Dr Gurpreet Kaur. CM Delhi & AAP National convener Arvind Kejriwal will be in attendance. CM Mann was divorced from his earlier marriage almost 6 years back.

(file pic) pic.twitter.com/tC3Zd2LGfv — ANI (@ANI) July 6, 2022

मंगळवारी न्यूज 18 पंजाबच्या सुनहरा पंजाब कार्यक्रमात मुख्यमंत्री मान यांनी सांगितलं की, त्यांच्या पहिल्या पत्नीसोबत घटस्फोट झाला आहे. ती एक चांगली आई आहे. मुलांची नीट सांभाळते, त्यांची काळजी घेते. घटस्फोटानंतर त्यांनी आपली संपूर्ण संपत्ती तिच्या नावे केल्याचंही त्यांनी सांगितलं. हे वाचा - Dalai Lama Birthday : शेतकऱ्याचा मुलगा ते नोबेल पुरस्कार, तिबेटसाठी केला जगभर संघर्ष पण आता त्यांनी पुन्हा संसार थाटावा अशी त्यांच्या आईची इच्छा होती. आईच्या इच्छेसाठी ते पुन्हा लग्नासाठी तयार झाले. जिच्याशी भगवंत मान यांचं लग्न होणार आहे तिचं नाव डॉक्टर गुरप्रीत कौर आहे.  मान यांची आई आणि बहिणीने त्यांच्यासाठी गुरप्रीतला पसंत केलं आहे. गुरप्रीत आणि भगवंत मान आधीपासूनच एकमेकांना ओळखता. गुरप्रीतचं मुख्यमंत्र्याच्या निवासस्थानी येणंजाणंही होतं.