Home /News /national /

Video : कॉलेजच्या प्राचार्यांवर आणला असा दबाव, बळजबरीने मुलीच्या पायाला हात लावावा लागला!

Video : कॉलेजच्या प्राचार्यांवर आणला असा दबाव, बळजबरीने मुलीच्या पायाला हात लावावा लागला!

ABVP ने याप्रकरणी माफी (Apology) मागितली आहे. शिक्षक-विद्यार्थ्याच्या पवित्र नात्यावर आपला विश्वास असून अक्षत जैस्वालच्या अशा वर्तनाचे समर्थन करत नसल्याचे अभाविपच्या वतीने सांगण्यात आले आहे.

    गांधीनगर, 14 मे : एका खासगी पॉलिटेक्निक कॉलेजमध्ये घडलेल्या घटनेचा व्हिडिओ ट्विटरवर संतापाचं कारण बनला आहे. अभाविपचे नेते अक्षत जयस्वाल (Akshat Jaiswal) यांच्यासह काही सदस्यांनी महाविद्यालयाच्या प्राचार्या मोनिका स्वामी (Monica Swami) यांच्या कार्यालयात जाऊन त्यांच्याशी वाद घालण्यास सुरुवात केली. महाविद्यालयीन उपस्थितीवरून गोंधळ एका मुलीची महाविद्यालयातील हजेरी (Attendance) हे या वादाचं कारण होतं. कॉलेजमध्ये दुसऱ्या सत्रातील एका विद्यार्थिनीची कमी हजेरी असल्यानं तिच्यावर केलेल्या कारवाईमुळे हे प्रकरण पेटलं. या व्हिडिओमध्ये अभाविपचे सदस्य आणि मुख्याध्यापक यांच्यात जोरदार वादावादी पाहायला मिळत आहे. व्हिडिओ पहा... प्राचार्यांना माफी मागायला लावली अभाविपच्या सदस्यांनी मुख्याध्यापकांना विद्यार्थ्यासमोर हात जोडून माफी मागण्यास भाग पाडले. थोड्या वेळाने मुख्याध्यापक मुलीच्या पायाला स्पर्श करताना दिसतात. सोशल मीडियावर, नॅशनल स्टुडंट्स युनियन ऑफ इंडियाने (काँग्रेसची विद्यार्थी शाखा) ABVP सदस्यांच्या या कृतीवर जोरदार टीका केली आहे. भाविक सोलंकी यांनी या पद्धतीचे वर्तन लज्जास्पद असल्याचे वर्णन केले. प्राचार्यांनी नंतर ABVP नेत्यांना माफी मागण्यास सांगितलं आहे. गुजरातमधील खासगी महाविद्यालयात हा प्रकार घडला. हे वाचा - मोदी सरकारचा अचानक मोठा निर्णय, गव्हाच्या निर्यातीवर सशर्त बंदी अभाविपची प्रतिक्रिया हा व्हिडिओ व्हायरल झाल्यानंतर ABVP ने याप्रकरणी माफी (Apology) मागितली आहे. शिक्षक-विद्यार्थ्याच्या पवित्र नात्यावर आपला विश्वास असून अक्षत जैस्वालच्या अशा वर्तनाचे समर्थन करत नसल्याचे अभाविपच्या वतीने सांगण्यात आले आहे. नंतर असं सांगण्यात आलं की, जैस्वाल यांना त्यांच्या चुकीमुळे संस्थेतून काढून टाकण्यात आले (expelled) आहे.
    Published by:Digital Desk
    First published:

    Tags: Gujarat

    पुढील बातम्या