गंगेच्या काठावर पुन्हा एकदा Corona च्या काळातलं भयावह चित्र, मृतदेहांचा खच; Photo Viral

प्रयागराज, 18 मे: प्रयागराजच्या (Prayagraj) संगम शहरात पुन्हा एकदा गंगा नदीच्या (River Ganga) किनारी वाळूत मोठ्या प्रमाणात मृतदेह पुरले जात आहेत. फाफामऊ घाटाची ताजे फोटो (Latest Photos) खूप भितीदायक दिसत आहेत. येथील फोटो कोरोनाच्या काळातील आठवण करून देतात. एनजीटी आणि जिल्हा प्रशासनाने गंगेच्या घाटावर मृतदेह दफन करण्यास बंदी घातली आहे, मात्र असे असतानाही परंपरेच्या नावाखाली ज्या प्रकारे मृतदेह दफन केले जात आहेत, ते अत्यंत चिंताजनक आहे. फाफमऊ घाटात दररोज डझनभर मृतदेह वाळूत पुरले जात आहेत. त्यामुळे तिथे सगळीकडे मृतदेहांचा खच दिसून येत आहे. फाफामऊ घाटावर जो प्रकार पहायला मिळतो तो अतिशय चिंताजनक आहे, कारण इथे प्रशासनाच्या सूचनांची केवळ खिल्ली उडवली जात नाही, तर एनजीटीच्या सूचनांचेही खुलेआम उल्लंघन केले जात आहे. प्रत्यक्षात मान्सून येण्यास महिनाभरापेक्षा कमी कालावधी शिल्लक आहे. अशा परिस्थितीत गंगा नदीच्या काठावर जे मृतदेह पुरले जात आहेत, तेही नदीच्या पाण्याची पातळी वाढल्यास ते गंगेत मिसळण्याचा धोका आहे. OBC आरक्षण निवडणूक: भाजप सरकारच्या प्रयत्नांना यश, SC चा मोठा निर्णय वाळूत गाडलेले मृतदेह गंगेत तर वाहून जातातच, पण त्यामुळे नदीही प्रदूषित होते. मात्र जिल्हा प्रशासनापासून ते महापालिकेपर्यंत त्यांनी याकडे पाठ फिरवली आहे. मात्र, कोरोनाच्या काळात गंगेच्या काठावर वाळूत मृतदेह पुरल्याच्या बातम्या आल्यानंतर महापालिकेने शेकडो मृतदेह वाळूतून बाहेर काढून त्या मृतदेहांवर अंत्यसंस्कार केले होते, मात्र आता बंदी असतानाही येथे बिनधास्तपणे मृतदेह दफन करण्याचा खेळ सुरू आहे. घाटाची स्थिती चिंताजनक येथे अंत्यसंस्कारासाठी फाफामऊ घाटावर पोहोचलेल्या लोकांनी घाटाची अवस्था चिंताजनक असल्याचे सांगितले. याकडे प्रशासन आणि महापालिका लक्ष देत नसल्याचा आरोप लोक करत आहेत. फाफामऊ घाटावर विद्युत स्मशानभूमी आणि अंत्यसंस्कारासाठी लाकडे असल्यास अशा प्रकारे मृतदेह पुरण्याची गरज भासणार नाही, असं लोकांचं म्हणणं आहे. दरम्यान काही लोक मृतदेह दफन करण्याची परंपरा असल्याचं सांगतात.