Jammu Kashmir: दहशतवाद्यांकडून 29 वर्षीय पोलीस कॉन्स्टेबलची गोळ्या झाडून हत्या

श्रीनगर, 08 नोव्हेंबर: जम्मू-काश्मीरमध्ये (Jammu and Kashmir) दहशतवाद्यांनी (Terrorists) पुन्हा एकदा पोलिसांना लक्ष्य केलं आहे. रविवारी रात्री उशिरा श्रीनगरच्या (Srinagar) बटमालू भागात दहशतवाद्यांनी एका पोलिसाची गोळ्या झाडून हत्या केल्याची घटना उघडकीस आली आहे. पोलिसाची हत्या केल्यानंतर दहशतवादी पळून गेले.

पोलीस सूत्रांनी दिलेल्या माहितीनुसार, काश्मीरमधील बटमालू भागातील एसडी कॉलनीमध्ये दहशतवाद्यांनी 29 वर्षीय पोलीस हवालदार तौसीफची गोळ्या झाडून हत्या केली. पोलीस हवालदाराच्या डोक्यात गोळी लागली आहे. या घटनेनंतर संपूर्ण परिसराला घेराव घालण्यात आल्याचं पोलीस सूत्रांनी सांगितलं आहे. दहशतवाद्यांच्या शोधासाठी स्थानिक पोलीस आणि लष्कराकडून संपूर्ण परिसरात शोधमोहीम राबवली जात आहे.

Unequivocally condemn the cowardly & dastardly attack on 29 year old policeman in Batmaloo, Srinagar in which he lost his life. No words of condemnation would be enough! May Allah grant him a place in Jannat. Our hearts go out to his family and friends at this time of grief.

— JKNC (@JKNC_) November 7, 2021

नॅशनल कॉन्फरन्सने (NC) या हल्ल्याचा निषेध केला आहे. पक्षाने ट्विट केले, श्रीनगरच्या बाटमालू येथे 29 वर्षीय पोलीस कर्मचाऱ्यावर झालेल्या भ्याड हल्ल्याचा आम्ही स्पष्टपणे निषेध करतो. निंदा करायला शब्द पुरेसे ​​नाहीत.

हेही वाचा-  'या' वर्षापासून अयोध्येतील राम मंदिर सर्वांसाठी होणार खुले, लवकरच पूर्ण होणार पाया भरणी