गांजा तस्कर हैदराबाद पोलिसांच्या रडारवर, WhatsApp चॅट तपासत पोलिसांची तपासणी सुरू

हैदराबाद, 29 ऑक्टोबर : मुंबईमध्ये एका क्रूझवरील पार्टीवर एनसीबीनं छापा टाकला होता. त्या छाप्यात एनसीबीनं बॉलिवूड अभिनेता शाहरुख खानचा मुलगा आर्यन खान याला अटक केली होती. नंतर या प्रकरणात काही राजकीय नेत्यांनी देखील उडी घेतली. जवळपास गेल्या महिनाभरापासून महाराष्ट्रासह देशभरात मुंबईचं ड्रग्ज प्रकरण (Mumbai Drugs Case) मोठ्या प्रमाणात गाजत आहे. याचे पडसाद इतर काही राज्यांमध्ये पडत असल्याचं दिसत आहे. मुंबईतील ड्रग्ज प्रकरणानंतर तेलंगणाची राजधानी असलेल्या हैदराबाद (Hyderabad)मध्ये पोलिसांनी अंमली पदार्थांविरोधात एक धडक मोहीम सुरू केली आहे. ही मोहीम सुरू करण्यापूर्वी हैदराबाद पोलिसांनी (Hyderabad Police) शहरातील गांजाशी (Ganja) संबंधित सर्व प्रकरणांचा तपशील उघड केला. जोपर्यंत शहरातून गांजा आणि तत्सम अंमली पदार्थांचा पूर्णपणे नायनाट होत नाही तोपर्यंत हैदराबाद शहर पोलीस शांत बसणार नाहीत, असा निर्धार देखील त्यांनी व्यक्त केला आहे. लेटेस्लीनं याबाबत वृत्त प्रसिद्ध केलं आहे. समोर आलेल्या माहितीनुसार, हैदराबाद पोलिसांनी शहरातील गांजा विक्री विरोधात कठोर कारवाई करण्याचा निर्णय घेतला आहे. त्यासाठी पोलीस गांजा विक्री आणि सेवन करणाऱ्या लोकांचा कसून शोध घेत आहेत. या मोहिमेचा एक भाग म्हणून पोलीस रस्त्यावरून जाणाऱ्या कुणालाही थांबवून त्याचा मोबाईल फोन आणि व्हॉट्सअ‍ॅप चॅट (WhatsApp Chat) तपासत आहेत. पोलीस प्रामुख्यानं 'गांजा' किंवा 'ड्रग्ज' अशा शब्दांचा उल्लेख असलेल्या व्हॉट्सअ‍ॅप चॅटच्या शोधात असल्याच सांगितलं जात आहे. पोलिसांच्या या तपास मोहिमेचा एक व्हिडीओ इंटरनेटवर व्हायरल होत आहे. पोलिसांच्या या मोहिमेबाबत लोकांच्या संमिश्र प्रतिक्रिया येत आहेत. वाचा : आधी पार्टी केली मग मित्रावर 40 मिनिटांत केले 107 वार, प्रायव्हेट पार्ट कापून डोळाही काढला

Hyderabad city police will not take rest until #Ganja is completely eliminated from #Hyderabad.

A group of Police were seen stopping commuters and checking their phones to look for words such as 'drugs' or 'ganja'.#HyderabadCityPolice pic.twitter.com/HpKRmYrtRc — Surya Reddy (@jsuryareddy67) October 28, 2021

अनेक मानवाधिकार कार्यकर्त्यांनी पोलिसांच्या या मोहिमेचा निषेध केला आहे. त्यांच्या मते, अशा प्रकारे नागरिकांच्या फोनची तपासणी करणं हे 'गोपनीयतेचं उल्लंघन' (infringement of privacy) आणि 'बेकायदेशीर' (illegal) आहे. 'पोलिसांना अशाप्रकारे लोकांचे फोन तपासण्याचा अधिकार नाही. जर त्यांना तपासणी करायचीच असेल, तर त्यांनी कायद्यानं प्रस्थापित केलेल्या प्रक्रियेचं पालन करून ती करावी. अशाप्रकारे रस्त्यावर तपासणी करून पोलीस नागरिकांच्या गोपनीयतेच्या अधिकाराचं उल्लंघन करत आहेत. हे नक्कीच बेकायदेशीर आहे, अशा शब्दांत तेलंगणा उच्च न्यायालयाचे वकील करम कोमीरेड्डी यांनी हैदराबाद पोलिसांच्या तपासणी मोहिमेवर टीका केली. याशिवाय ट्विटरवर देखील अनेकांनी पोलिसांना जाब विचारला आहे. तर, काही नागरिकांनी पोलिसांच्या मोहिमेला पाठिंबा देखील दिला आहे. वाचा : 2 बायकांची हौस पुरवता पुरवता नवऱ्याचे झाले हाल; अखेर उचचलं धक्कादायक पाऊल याबाबत पोलिसांनी आपली भूमिका स्पष्ट केली आहे. हैदराबाद पोलीस रस्त्यावर उभं राहून अचानक नागरिकांचे व्हॉट्सअ‍ॅप चॅट तपासत असल्याची मला पूर्ण कल्पना आहे. आम्ही जाणीवपूर्वक ही मोहीम सुरू केली आहे. मात्र, आम्ही तपासणीदरम्यान कोणावरही जबरदस्ती करत नाही किंवा त्यांचे फोन हिसकावून घेत नाही. लोक पोलिसांना सहकार्य करत आहेत. त्यामुळे मला या मोहिमेत काही गैर वाटत नाही, असं स्पष्टीकरण दक्षिण विभागाचे पोलीस उपायुक्त गजाराव भूपाल (Gajarao Bhupal) यांनी द न्यूज मिनिटशी बोलताना दिलं आहे. डीसीपी भूपाल यांच्या मते, लोक त्यांचा फोन देण्यास नकारही देऊ शकतात. मात्र, त्यानंतर देखील सखोल तपास आणि कायदेशीर तरतुदींचा आधार घेऊन आम्ही त्यांचा फोन तपासू शकतो. आतापर्यंत आम्हाला अशा परिस्थितीचा सामना करण्याची वेळ आली नाही. कारण, कुणीही फोन देण्यास नकार दिलेला नाही, असंही डीसीपी भूपाल म्हणाले.