पत्रकाराच्या थेट प्रश्नावर भडकले भाजप खासदार, म्हणाले.. अर्धवट माहिती धोकादायक

चंदीगड,(पंजाब)1 मार्च, भाजपचे नेते आणि खासदार अनुराग ठाकूर यांना भाजपच्या नेत्यांच्या दिल्ली विधानसभा निवडणुकीच्या काळातील आक्रमक विधानाबद्दल एका पत्रकाराने छेडलं असता, ते चांगलेच संतापले. 'ज्यांच्यामुळे दिल्लीतील हिंसाचार भडकला, त्यांच्यावर कठोर कारवाई झाली पाहिजे' अशी मागणी ठाकूर यांनी केली आहे. दिल्लीमध्ये गेल्या काही दिवसात झालेल्या हिंसेच्या घटना पाहता या प्रकरणातल्या दोषींवर कठोर कारवाईची मागणी देखील अनुराग ठाकूर यांनी केली.

दिल्लीतल्या हिंसाचारात 40 जणांना आपले प्राण गमवावे लागले आहेत. अर्थ आणि कॉर्पोरेट विभागाचे राज्यमंत्री असलेल्या अनुराग ठाकूर यांच्या उपस्थितीत उद्योग क्षेत्रातल्या मान्यवरांच्या उपस्थितीत कार्यक्रम आयोजित करणयात आला होता. यानंतर घेतलेल्या पत्रकार परिषदेत प्रचारादरम्यानच्या वादग्रस्त विधानबद्दल ठाकूर यांना पत्रकारांनी छेडलं. यावेळी आक्रमक झालेल्या ठाकूर यांनी पत्रकारांनी अपूर्ण माहितीच्या आधारावर बोलू नये, असं सुनावलं. इतकंच नाही प्रश्न विचारणाऱ्या पत्रकाराची माहिती अपूर्ण असल्याचा दावा सुद्धा ठाकूर यांनी यावेळी केला.

हेही वाचा..मोदी-शहांवर हल्लाबोल करत शरद पवारांनी मुंबईत भाजपवर केला गंभीर आरोप

हिंसा नको शांतता हवी-ठाकूर

ठाकूर यांना दिल्लीतल्या दंगलींबद्दल विचारलं असता, 'जे कोणी दिल्लीतल्या हिंसाचारात सहभागी होते त्यांच्यावर कठोर कारवाई झाली पाहिजे. देशात आणि दिल्लीत विविध धर्माचे लोकं गुण्यागोविंदाने एकत्र राहतात. सगळ्यांच्या सामूहिक योगदानामुळे देशाने आजपर्यंतची प्रगती केली आहे.' असं ठाकूर यांनी सांगितलं. दिल्लीत पोलिस त्यांचा काम योग्य पद्धतीने करतील, असा विश्वासही त्यांनी व्यक्त केला. अनुराग ठाकूर यांना त्यांच्या वादग्रस्त विधानाबद्दल विचारण्यात आलं होतं.

काय म्हणाले अनुराग ठाकूर?

#WATCH Minister of State for Finance, Anurag Thakur, when reporters say he raised 'desh ke ghaddaron ko...' slogan during Delhi elections: You are lying. You people should first enhance your knowledge. Half knowledge is dangerous.Matter is sub judice so I'm not commenting further pic.twitter.com/tWPxnRuIVp

— ANI (@ANI) March 1, 2020

हेही वाचा...चित्रा वाघ जरा हिशोबात...आजही पळता भुई कमी होईल, रुपाली चाकणकर यांचा पलटवार

काय आहेत न्यायालयाचे आदेश?

दिल्लीत झालेल्या हिंसाचारानंतर दिल्लीच्या पोलिसांना न्यायालयाने खडे बोल सुनावले आहेत. झालेल्या हिंसेबद्दल तीव्र नाराजी व्यक्त करतांनाच न्यायालयाने ज्यांनी या सगळ्या दरम्यान आक्रमक किंवा तणाव वाढेल, अशा प्रकारची विधानं केली होती. त्यांच्या संदर्भात एफआयआर दाखल करण्याचे आदेश दिले आहेत. तर विरोधकांनी ही हिंसा वेळेत नियंत्रणात न आणल्याबद्दल गृहमंत्री अमित शाह यांना जबाबदार धरलं आहे. इतकंच नाही तर त्यांच्या राजीनाम्याची सुद्धा मागणी करण्यात आली आहे.

First published: March 1, 2020, 7:55 PM IST

Tags: anurag thakurdelhi violence