Home /News /national /

प्रवाशांनो लक्ष द्या! 31 मेपर्यंत रद्द केलेल्या तिकिटांचे 1885 कोटी रुपये रेल्वेने केले परत

प्रवाशांनो लक्ष द्या! 31 मेपर्यंत रद्द केलेल्या तिकिटांचे 1885 कोटी रुपये रेल्वेने केले परत

लॉकडाऊनमध्ये रेल्वे बंद असल्याने यापूर्वीच आरक्षित केलेल्या तिकीटांचे पैसे रेल्वे टप्प्याटप्प्याने प्रवाशांना परत करीत आहेत

    नवी दिल्ली, 3 जून : कोविड - 19 चा प्रसार रोखण्यासाठी राबविण्यात आलेल्या लॉकडाऊनमुळे रेल्वेगाड्या रद्द करण्याच्या विरोधात भारतीय रेल्वेने प्रवाशांना 1,885 कोटींचा परतावा दिला आहे. भारतीय रेल्वेने कोरोना विषाणूचा फैलाव रोखण्यासाठी देशव्यापी लॉकडाऊनमध्ये कामकाज बंद ठेवले होते. मोठ्या प्रमाणात गाड्या रद्द केल्यावर रेल्वेला प्रवाशांना तिकिटांचे पैसे परत देण्याचे आव्हान होतचं. मात्र रेल्वेने प्रवाशांना यशस्वीरित्या पैसे परत केले आहेत. 21 मार्च 2020 ते 31 मे 2020 या कालावधीत रद्द केलेल्या तिकिटांचे पैसे रेल्वेने प्रवाशांना परत केले आहेत. हे परतावे ऑनलाईन बुक केलेल्या तिकिटांसाठी करण्यात आले आहेत. ज्या प्रवाशांनी भारतीय रेल्वे केटरिंग अॅण्ड टुरिझम कॉर्पोरेशन (आयआरसीटीसी) वेबसाइट किंवा अॅपद्वारे तिकीट बुक केले होते, त्यांना रद्द केलेल्या तिकिटांचे पैसे परत देण्यात आले आहेत. रेल्वेने सांगितले की, ऑनलाईन आरक्षित तिकिटांचे संपूर्ण पैसे प्रवाशांना परत करण्यात आले आहेत. हे पैसे ज्यांच्याकडून तिकिटे बुक केली गेली होती त्या प्रवाशांच्या खात्यात वर्ग करण्यात आले आहेत. रेल्वेने उचललेल्या या पावलामुळे  प्रवाशांना त्यांचा परतावा वेळेवर मिळाला आणि पीआरएस मोजणीवर तिकिटाचे पैसे जमा करण्यात त्यांना त्रास झाला नाही. > जे प्रवाशांनी 15 ते 30 एप्रिल दरम्यान प्रवास करण्यासाठी तिकिट बुक केले असतील त्यांना 7 जूनपासून पैसे मिळतील. >> 1 ते 15 मे या कालावधीत प्रवास केलेल्या तिकिटाची रक्कम 1 जूनपासून परत करण्यात येईल. >> 16 ते 30 मे पर्यंत तिकिट बुक करणाऱ्यांना 21 जूनपासून आपला निधी घेता येणार आहे. >> ज्या प्रवाशांनी 1 ते 30 जून दरम्यान तिकीट बुक केले असले त्यांना 28 जूनपासून पैसे घेता येतील. हे वाचा-Coronavirus : राज्यात 74860 रुग्ण; मृत्यूही वाढले पण रुग्णवाढीचा दर झाला कमी गुजरातच्या केमिकल कारखान्यात मोठा स्फोट; 5 कामगारांचा मृत्यू, 57 जण जखमी
    Published by:Meenal Gangurde
    First published:

    Tags: Indian railway

    पुढील बातम्या